Спорт
Биндер го собори рекордот на Лоренцо во Мотеги

Возачот на КТМ, Бред Биндер беше најбрз на вториот тренинг пред трката за Големата награда на Јапонија во Мото ГП. Јужноафриканецот постави време 1:43:489. Второто место му припадна на Франческо Бања со Дукати, а трет беше возачот на Априлија, Алеиѓ Еспаргаро.
Биндер со помош на нова шасија, Биндер го собори рекордот на патеката стар осум години. Претходно Хорхе Лоренцо беше најбрз во еден круг на патеката Мотеги.
Бањаја заостана 0,029 секунди зад Биндер. Еспаргаро ја заврши сесијата со време од 1:43:784 минути, додека Хорхе Мартин на четвртата позиција имаше заостанување од 0,325 секунди зад лидерот. Топ 10 го комплетираа Марко Бецеки, Фабио Ди Џанантонио, Жоан Зарко, Маверик Вињалес, Пол Еспаргаро и Џек Милер.
Возачот на Хонда, Марк Маркез, доживеа незгода и сесијата ја заврши на 14. позиција, па ќе бара место во „Q2“, во почетниот дел од квалификациите.
Од својот мотоцикл падна и возачот на Јамаха, Фабио Квартаро, кој го освои 13. место.
Квалификациите се на програмата ноќта меѓу петок и сабота од 3.45 часот по средно-европско време.
Out of Q2! 😮@marcmarquez93 will be heading to Q1 tomorrow due to this crash! 💥#JapaneseGP 🇯🇵 pic.twitter.com/9ZI6fsP2Yk
— MotoGP™🏁 (@MotoGP) September 29, 2023
That one came out of nowhere! 😮@FabioQ20 took a fair whack there but thankfully it looks like he's been able to walk it off! 💪#JapaneseGP 🇯🇵 pic.twitter.com/b3Bn67GGGn
— MotoGP™🏁 (@MotoGP) September 29, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагичната судбина на Диого Жота: Докторот му рекол да не патува со авион

„Диого Жота патувал со автомобил со својот брат бидејќи му било советувано да не користи авион по операцијата на белите дробови што ја имал“, објавија медиумите во Португалија и Англија.
„Диого и неговиот брат Андре планирале да отпловат за Англија, па поради тоа се упатиле кон Стандандер, а потоа, откако преноќиле, се упатиле кон Бенавенте, каде што требало да се качат на траект за Англија“, објави CNN.
Жота претрпел тешка повреда на ребрата во текот на сезоната и ја искористил паузата помеѓу двете првенства не само за одмор и венчавка, туку и за рутинска операција на белодробно крило кое било малку оштетено од ударот.
Затоа, според португалските медиуми, му било советувано да не користи воздушен транспорт поради разликата во притисокот и можните компликации.
Диого и Андре поради тоа тргнале на пат со автомобил, а набргу потоа се случила трагична несреќа во која двајцата ги загубиле животите.
Гума експлодирала на нивниот автомобил додека престигнувале на патот, ја изгубиле контролата врз возилото кое се превртело и се запалило.
Спортскиот свет се уште е во шок по трагичната вест од Шпанија.
Фото/ EPA/ADAM VAUGHAN
Спорт
Иванишевиќ шокиран од состојбата на Циципас: „Не сум видел понеподготвен играч“

Патувањето на страдањето на Циципас продолжи со неговата елиминација во првото коло на Вимблдон.
Во интервју за „Спортклуб“ во Лондон, Иванишевиќ проговори за соработката со Гркот, за доблестите и недостатоците во играта на неговиот ученик, кој, како што вели, итно треба да реши одредени проблеми што ги има надвор од теренот.
„Едноставно е и не е едноставно. Разговарав со него многу пати. Ако успее да реши некои работи надвор од тенисот, ќе има шанса и ќе се врати таму каде што му е местото, бидејќи е премногу добар играч за да биде надвор од првите десет. Ако не успее тоа, нема шанси. Моја одговорност е да му поправам некои технички детали на теренот, тоа е најлесниот дел, но тој мора самиот да го реши второто. Ако успее, искрено сакам да успее, без разлика дали сум таму или не“, рече Иванишевиќ.
Во првото коло, Циципас загуби од Валентин Ројер, на кого му се предаде по два сета.
„Тој има желба, но не прави ништо. Сè е „ќе биде, ќе биде“, но не гледам никаков напредок. Ако сака да успее, мора да го реши проблемот со грбот. Бев шокиран, никогаш во животот не сум видел играч физички понеподготвен. Јас, со моето колено, сум барем три пати поподготвен од него. Не знам што правеше цела година, но ова е многу лошо“, додаде Горан.
Спорт
Шпански тинејџер е најскапиот играч во историјата на Комо

Шпанскиот крилен играч Хесус Родригез потпиша за Комо до 2030 година во трансфер вреден 22 милиони евра. Родригез стана најскапиот играч во историјата на клубот.
Рекордот што претходно го држеше Мартин Батурина брзо беше срушен. Пред една недела Батурина дојде во Комо од Динамо Загреб за 18 милиони евра.
Хесус Родригез ќе наполни 20 години во ноември, а минатата сезона постигна пет гола на 44 натпревари за Бетис.
Момчето родено во Севилја често се споредува со легендата на клубот, познатиот Хоакин, во однос на неговиот стил на игра.
Foto/ EPA