Спорт
Баркли состави листа на најдобрите: Џордан прв, Коби шести, Леброн седми!
Легендарниот НБА кошаркар, кој во 1993 година беше прогласен за МВП на лигата, Чарлс Баркли ја состави својата листа на најдобри кошаркари на сите времиња.
Баркли беше гостин во третата епизода од емисијата „На кафе со Кал“ која ја води легендарниот тернер на Кентаки, Џон Калипари.
Според него, Мајкл Џордан е најдобриот на сите времиња.
„По денешните критериуми за игра, Леброн не би сакал да игра против `Бед бојс`, (Детроит Пистонс). Тие момци играа валкано и играа за да го повредат противникот. Секогаш им велам на луѓето дека кога играте против Пистонс, мора да го викнете семејството и да им кажете дека ги сакате, во случај веќе да не ги видите“ – објасни Баркли.
Во неговиот избор, по Џордан се Оскар Робертсон, Карим Абдул-Џабар, Бил Расел и Вилт Чембрлен.
Коби Брајант е на шестата позиција, Леброн Џејмс е седми, а Елџин Бејлор е осми. На деветтата позиција на листата на Баркли се најде Џери Вест, додека десеттата позиција остана празна, во неговиот избор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија СП ќе го почне во Вараждин против Унгарија, Гвинеја и Холандија
Фото/ facebook.com/rfmofficia
Ракометната репрезентација на Македонија ги доби противниците на 29. Светско првенство во ракомет. Македонија ќе игра во Д групата во Вараждин против Унгарија, дебитантот Гвинеја и Холандија.
Група А (Хернинг): Германија, Швајцарија, Полска, Чешка
Група Б (Хернинг): Данска, Тунис, Алжир, Италија
Група Ц (Пореч): Австрија, Кувајт, Катар, Франција
Група Д (Вараждин): Унгарија, Гвинеја, Македонија, Холандија
Група Е (Осло): Норвешка, САД, Бразил, Португалија
Група Ф (Осло): Шведска, Чиле, Јапонија, Шпанија
Група Г (Загреб): Словенија, Зеленортски острови, Куба, Исланд
Група Х (Загреб): Хрватска, Бахреин, Аргентина, Египет
Првите три селекции од секоја група одат во вториот круг, каде ќе бидат формирани нови четири групи. Во четвртфиналето ќе се пласираат првите две селекции од секоја од тие четири групи. Од четвртфиналето ќе се игра нокаут систем.
Светското првенство ќе се игра од 12. јануари до 2.февруари 2025 година во Норвешка, Данска и Хрватска.
Спорт
Официјално: Венсан Компани е нов тренер на Баерн
Венсан Компани, поранешниот менаџер на англискиот премиерлигаш Барнли, е назначен за нов тренер на Баерн Минхен.
Договорот со 38-годишниот Белгиец е потпишан на три години, до летото 2027 година.
Компани го наследи Томас Тухел, со кого Баерн заврши на третото место во Бундеслигата. За прв пат по 12 години, славниот клуб од Минхен не освои ниту еден трофеј во сезоната.
🗨️ Vincent Kompany: “Ich freue mich auf die Herausforderung FC Bayern. Es ist eine große Ehre, für diesen Club tätig sein zu dürfen – der FC Bayern ist eine Institution im internationalen Fußball.” pic.twitter.com/lJozy9UtPH
— FC Bayern München (@FCBayern) May 29, 2024
„Се радувам на предизвикот во Баерн. За мене е голема чест што го претставувам овој клуб – Баерн е институција на светскиот фудбал“, изјави Венсан Компани по повод именувањето.
Компани го донесе Барнли во Премиер лигата пред една година, но оваа сезона тие завршија на 19-то место и испаднаа. Белгиецот претходно беше тренер на Андерлехт.
„Сакам кога мојот тим ја има топката, кога е креативен, но мораме да бидеме агресивни и храбри на теренот. Се радувам за работата со играчите и процесот на градење на тимот. Кога има основа, доаѓа успехот“, изјави Компани за официјалниот сајт на Баерн.
Спорт
Њукасл ќе остане без Гимараеш – Бразилецот пред трансфер во Сити
Њукасл не успеа да го повтори одличниот резултат од минатата сезона. „Страчките“ сезонава играа во Лигата на шампионите, а во наредната ќе играат само во домашните натпреварувања.
Поради неуспехот во борбата со конкурентите во борбата за местата во европските купови, Њукасл веројатно ќе остане без Бруно Гимараеш.
Бразилскиот играч за врска оваа сезона беше еден од двајцата најдобри играчи во тимот на Њукасл.
Њукасл ќе мора да го продаде Гимареш поради проблеми со финансискиот фер-плеј, бидејќи ќе мора да ги балансира приходите и расходите.
Како прв фаворит да стигне до Гимареш се споменува Манчестер сити. Пеп Гвардиола (многу веројатно) влегува во својата последна година на клупата на „Граѓаните“ и дефинитивно ќе сака да освои се, а делува дека Гимараеш заедно со Кевин Де Бруине и Родри би формирал совршено трио во редот за врска.
Гимареш оваа сезона одигра 37 натпревари во Премиер лигата, постигна седум гола и додаде осум асистенции.