Спорт
Барса бара оставка од претседателот на Ла лига – давал лажни информации!
Барселона побара претседателот на Ла лига, Хавиер Тебас да си поднесе оставка, откако беше обвинет дека давал лажни информации во случајот „Негреира“ со наводната корупција на поранешниот потпретседател на судиската организација, Хозе Енрикз Негреира.
Барселона со години му исплаќале милионски суми на Негреира преку неговата приватна компанија за консултации, по што беа обвинети дека го правеле тоа за да добиваат подобри судиски одлуки. Но, последните информации во Шпанија велат дека Тебас наводно дал лажна изјава во цивилната истрага за случајот, праќајќи писмо со кое ги компромитира двајцата поранешни претседатели на Барселона, Жозеп Марија Бартомеу и Сандро Росел, кое било основано на писмо пронајдено во дом на претседател на клубот.
Документот бил вклучен во друг корупциски скандал и Тебас ги поврзал имињата на двајцата поранешни претседатели и ги пратил информациите до обвинителите во февруари, со повеќе теории и шпекулации околу случајот. Тебас барал обвинителството итно да го истражи случајот за Ла лига да можат бргу да ја предадат казната. Проблмот е тоа што имињата кои се појавувал во документот не се поврзуваат со Росел и Бартомеу, а документот е стар повеќе од две децении. Тебас се правдаше дека не обвинил никого.
„Писмото не посочуваше обвинувања против никого. Имињата и преезимињата само се поколопуваат со имињата или презимиата на одредени поранешни претседатели на Барселона“, изјави Тебас.
Барселона официјално побара оставка од Тебас.
„Ова не е првпат претседателот на Ла лига преку медиумите да сака да наштети на Барслона, но не сме ниту помислувале дека ќе се обиде да го направи тоа со лажни сведоци. Написот кој е објавен во весникот ‘Ла вангардија’ е толку опасен што сите клубови во Ла лига треба да се загрижени од ваквото однесува на претседателот. Поради тоа, но и поради честа и респектот на позицијата, господинот Тебас треба да си даде оставка. И покрај тоа, познавајќи ја неговата опсесија со нашиот клуб сметаме дека тој ќе продолжи со своите напори да ни наштети“, се вели во објавата на Барселона.
FC Barcelona official statement
🔗 https://t.co/eODs489yZH pic.twitter.com/29DKCeKlWR
— FC Barcelona (@FCBarcelona) April 3, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.