Спорт
Барса одново го „среди“ Веспрем, поранешните вардарци го кренаа Кјелце

Барселона го заддржа првото место во групата Б во ЕХФ Лигата на шампионите, останувајќи „совршена“ и на домашниот меч со Веспрем, победувајќи го унгарскиот гигант со 37:30, додека Кјелце, во групата А (каде што е и Вардар), изби на првото место на табелата со победата од 32:30 над Порто.
До десеттата победа во исто толку меча во ЛШ, Барса дојде во второто полувреме, откако унгарскиот шампион беше цврст противник во првото полувреме, кое заврши со 15:15. Алекс Гомез со 10 гола беше лидер на каталонскиот клуб, Палмарсон додаде шест, додека за Веспрем, Рикардо Мораеш со шест гола беше најефикасниот.
Кјелце направи предност од дури пет гола во првото полувреме, и потоа го изддржа обидот за камбек на португалскиот клуб за седма победа во девет меча оваа сезона. Ексвардарецот Алекс Душебаев блесна со 10 гола, а уште еден поранешен играч на „црвено-црните“, Игор Карачиќ заврши со шест гола.
ЕХФ ЛИГА НА ШАМПИОНИ
ГРУПА А
Кјелце – Порто 32:30 (19:14)
Табела: 1.Кјелце 15, 2.Флензбург 15, 3.Мешков 9, 4.ПСЖ 8, 5.Порто 8, 6.Пик Сегед 4, 7.Елверум 4, 8.Вардар 3
ГРУПА Б
Барселона – Веспрем 37:30 (15:15)
Целје – ППД Загреб 29:28 (14:12)
Табела: 1.Барселона 20, 2.Веспрем 13, 3.Мотор З. 12, 4.Алборг 10, 5.Кил 9, 6.Целје 6, 7.Нант 4, 8.Загреб 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Планот на Лапорта: Меси, бесплатни засилувања и нов тренер

Многу работа и тешки предизвици го очекуваат новиот претседател на Барселона, Џоан Лапорта. Старо-новиот претседател на вчерашните избори убедливо ги порази конкурентите.
Лео Меси ќе биде првиот предизвик за Лапорта. Тој треба да го убеди најдобриот играч на Барселона да потпише нов договор. Меси гласал на изборите, а според медиумите, неговиот избор бил Лапорта.
„Се зависи од него, јас можам да ветам дека ќе добие предлог за продолжување на договорот. Парите не се најважни. Ќе му се јавам, ќе сторам се што е во моја моќ за да го убедам да остане со нас. Доколку некој друг победеше на изборите Меси сигурно ќе заминеше“, рекол Лапорта.
Лапорта ќе треба да најде пари и за нови играчи, а ќе треба и да преговара околу новите договори на Серхи Роберто и Усман Дембеле. Договорите на овие двајца фудбалери истекуваат во јуни 2022 година.
Дел од парите, Лапорта, ќе се обиде да собере со продажбите на Самуел Умтити и Филипе Кутињо.
Сепак во наредниот преоден рок не се очекува Барселона да направи некој спектакуларен трансфер. Во фокусот на клубот ќе бидат играчи кои би можеле да бидат ангажирани без обесштетување.
„Марка“, тврди дека тоа ќе бидат фудбалерите на Манчестер сити, Серхио Агуеро и Ерик Гарсија, односно Холанѓаните од Лион и Ливероул, Мемфис Депај и Жоржињо Вајналдум.
Шпанците се убедени дека Лапорта ќе инсистира и на смена на тренерот, без огледа на тоа дали Роналд Куман ќе ја освои дуплата круна или не.
Спорт
Коман одбил да го продолжи договорот со Баерн
Човекот кој на Баерн, во август минатата година, му ја донесе титулата во Лигата на шампионите, Кингсли Коман, одбил да го продолжи договорот. „Кикер“, објави дека финансискиот дел од понудата не ги задоволила апетитите на Коман.
Договорот на Кингсли Коман со Баерн истекува во јуни 2023 година, меѓутоа во клубот имаат намера што поскоро да обезбедат нова, долгорочна соработка со крилниот напаѓач.
Челниците на клубот од Минхен, на францускиот репрезентативец му понудиле бруто плата од 12 милиони евра. Коман не бил задоволен од понудата, која без размислување ја одбил.
Прашање е како ќе реагира Баерн, бидејќи свеж е примерот со Давид Алаба, кој незадоволен од финансиската понуда реши, по завршувањето на сезоната, да го напушти клубот.
„Кикер“, пишува дека иако има време, Баерн ќе мора да реагира бидејќи интерес за Коман покажач Манчестер јунајтед.
Спорт
Лаказет ќе го напушти Арсенал
Александар Лаказет во летниот преоден рок ќе го напушти Арсенал. Неговиот договор истекува во јуни 2022 година и според англиските медиуми тој нема да остане на „Емирејтс“. Лаказет наскоро ќе наполни 30 години и сметал дека му е потребен нов предизвик во кариерата.
Лаказет минатото лето се поврзуваше со Атлетико Мадрид, но „јорганџиите“ се решија да го донесат Луис Суарез.
„Калчомеркато“, тврди, дека Лаказет им бил понуден на Јувентус. „Старата дама“, во летниот преоден рок планира да донесе уште еден напаѓач во тимот.
Англичаните потенцираат дека три клуба се фаворити за неговиот потпис, покрај Атлетико и Јувентус, наводно во трката ќе се вклучи и Барселона.
Лаказет е играч на Арсенал од 2017 година, за клубот одиграл 157 натпревари, постигнал 59 голови.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“