Црвена звезда „падна“ во формата во продолжението за да загуби дома со 94:85 од Алба Берлин за да си ги намали шансите за пласман во плејофот од Евролигата.

По израмнетата игра во текот на сите четвртини, Звезда ја загуби концентрацијата во финишот и го пропушти шутовите за победа на Лазиќ и Штимац, за германскиот тим да стигне до победа. Пејтон Силва и Лук Сикма имаа по 15 поени за гостите, додека новото засилување на Зведа, Кевин Пантер имаше 24 поени.

Анадолу Ефес пак, имаше уште една лесна вечер во Истанбул, откако предводени од Шејн Ларкин стигнаа до убедлив 101:74 триумф над Асвел, за да останат први на табелата со 17-3 скор.

Ларкин го заврши првото полувреме со 19 поени во 17 минути, за во текот на целиот меч да има 29 поени, 7 асистенции и 6 скока, за Ефес да направи предност од 35:22 уште во првата четвртина. Родриге Бобоа имаше 14 поени, Сертаџ Санли додаде 13 за тимот со големи амбиции.

ЕВРОЛИГА, 20.КОЛО

ЦСКА Москва – Басконија 94:90 (27:25, 25:21, 23:12, 19:32)

Зенит Петерсбург – Валенсија 81:86 (16:20, 26:26, 9:17, 30:23)

Анадолу Ефес – Асвел Лион 101:74 (35:22, 25:23, 21:18, 20:11)

Црвена звезда – Алба Берлин 85:94 (22:21, 21:18, 19:23, 17:17, 6:15)

Олимпијакос – Баерн Минхен 89:72 (17:14, 20:18, 17:21, 35:19)

Ешли Јанг е официјално нов фудбалер на Интер, каде што ќе им се приклучи на поранешните соиграчи од Манчестер јунајтед, Ромелу Лукаку и Алексис Санчез.

34-годишниот англиски ветеран пристигна во Милано утрово, потврдувајќи дека првпат е во италијанскиот град, а по комплетирањето на медицинските тестови стави потпис на шестмесечен договор до јуни 2020 со опција за продолжување на договорот за уште една сезона.

Неговиот договор со „ѓаволите“ завршуваше во јуни, така што трансферот ќе ги чини Интер само 1.5 милиони евра. Јанг имаше 18 настапи за Јунајтед оваа сезона и беше капитен на тимот, а се очекува да биде во составот на Антонио Конте за неделното гостување во Лече.

🚨 | ANNUNCIO@youngy18 è un nuovo giocatore dell’Inter! ✍️⚫️🔵

👉 https://t.co/gS37sSIvlM#WelcomeAshley #NotForEveryone pic.twitter.com/SUARAutGNn

— Inter (@Inter) January 17, 2020

Норвешката ракометна репрезентација ги покажа амбициите за висок пласман на Европското првенство, откако со 36:29 (20:12) ја декласираше Унгарија во нивниот прв меч од втората фаза на шампионатот.

Исходот на натпреварот беше јасен уште по првите 30 минути, кои Норвежаните ги добија со осум гола разлика (20:12), а во второто полувреме, оваа разлика достигна и десет гола за на крајот конечниот резултат да е 36:29.

Ѕвездата на Кил, Сандер Сагосен со седум гола беше најефикасен за Норвежаните, додека шест уфрли Геран Јохансен. Кај Унгарците, Патрик Лигетвари и Бенце Наѓ имаа по пет постигнати голови. Програмат во групата 2 завршува со уште една интересна пресметка, помеѓу поранешните шампиони Шведска и најголемото изненадување на шампионатот, Португалија.

ЕВРОПСКО ПРВЕНСТВО 2020, 2.ФАЗА

ГРУПА 2

Словенија – Исланд 30:27 (15:14)

Норвешка – Унгарија 36:29 (20:12)

Португалија – Шведска 20.30 ч.

Табела: 1.Словенија 4, 2.Норвешка 4, 3.Унгарија 2, 4.Шведска 0, 5.Португалија 0, 6.Исланд 0

Watch the Game Highlights from Norway vs. Hungary, 01/17/2020 pic.twitter.com/Wu72eIGjpI

— EHF EURO (@EHFEURO) January 17, 2020