Спорт
Барса се снајде со Брејтвајт, што правиме со Леганес?
Барселона се надева дека ја реши кризата со повреди на напаѓачите со носењето на Мартин Брејтвајт од Леганес, но за малиот клуб од мадридското предградие ова е сценарио за катастрофа.
Ла лига дозволи Барселона да добие „итно засилување“ по повредите на Луис Суарез и Усман Дембеле, и тоа тие го решија со активирање на откупната клаузула од 18 милиони евра за Данецот Брејтвајт, оставајќи го Леганес „практично“ без напаѓач и во исто време одбивајќи го нивното барање за засилување.
Брејтвајт заминува неколку недели откако Севилја им го откупи другиот најдобар стрелец, Јусеф Ен-Несри. „Пеперинос“ се на 19. место на табелата, израмнети со по 19 поени со последнопласираниот Еспањол, и по заминувањето на Ел-Несри и Брејтвајт имаат тројца напаѓачи кои оваа година имаат постигнато НУЛА голови!
Генералниот директор на Леганес, Мартин Ортега, нормално е разочаран.
„Сакаме да го кренеме гласот. Сега сме во ситуација во која ни е нанесена огромна штета. Не можеме да сфатиме дека клуб кој има повреден фудбалер може да направи ваква операција на друг клуб без нивна согласност. Ни беше потребно големо време да влеземе во Ла лига и да останеме тука и ќе се потиме да останеме тука. Уштен е сме испаднати“, вели Ортега.
Тој, сепак, призна дека тие не се лутат на Брејтвајт, туку му се заблагодари за професионалноста.
„Сакам да се заблагодарам на играчот, кој беше голем професионалец до заминувањето. Нему лично му посакуваме најдобра среќа“, додава Ортега.
Брејтвајт во Барса – има поголема клаузула за откуп од Нејмар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.