Луис Хамилтон и Валтери Ботас го освоија првиот стартен ред за Мерцедес, во пресрет на утрешната трка за Големата награда на Бахреин.

Хамилтон, во квалификациите забележа време 1:27.267 минути. За светскиот првак ова беше прва пол-позиција во Бахреин по 2016 година. Хамилтон со рекордот на патеката ја освои 98 пол-позиција во кариерата.

Хамилтон имаше подобар резултат за 0.289 секунди од тимскиот колега Ботас и за 0.414 секунди од возачот на Ред Бул, Макс Ферстапен. Алекс Албон ќе му прави друштво на Ферстапен во вториот ред на стартот.

Третиот ред го освоија Естебан Перез од Рејсинг Поинт и Даниел Рикардо од Рено. Во првите десет се најдоа и Естебан Окон (Рено), Пјер Гасли (Алфа Таури), Ландо Норис (Мекларен) и Данил Квјат (Алфа Таури).

Веднаш до првата десетка се пилотите на Ферари Себастијан Фетел и Шарл Леклер.

Трката за Големата награда на Бахреин утре ќе започне во 15.10 часот.

Брајтон успеа да освои бод против Ливерпул (1:1), во вториот натпревар одигран во 11.коло, во Премиер лигата. Натпреварот го обележа контроверзниот пенал кој го добија играчите на Брајтон во 93.минута.

ВАР, пресуди во корист на Брајтон, при еден дуел помеѓу Робертсон и Велбек. Снимката покажа дека контакт помеѓу фудбалерите постоел, иако Велбек не се наоѓаше во ситуација да постигне гол, а никој од фудбалерите на Брајтон не бараше пенал.

Паскал Грос постигна гол од белата точка и го поставо конечниот резултат.

Брајтон заслужија бод за она што го покажаа во првиот дел. Коноли во 10 минута беше сам пред Алисон, но ударот заврши крај голот, а десет минути подоцна Мупај од пенал го промаши голот.

Ливерпул постигнаа гол во 33.минута преку Салах, меѓутоа ВАР покажа милиметарски офсајд на Египѓанецот. ВАР интервенираше и во второто полувреме кога оправдано, поради офсајд, го поништи голот што го постигна Мане.

Голот за Лиерпул го постигна Диого Жота во 60 минута.



Македонската кошаркарска репрезентација нема да го одигра првиот натпревар, во „балонот“ во Талин, против Италија. Дуелот кој требаше да започне во 15 часот, ФИБА го одложи, поради позитивни тестови на вирусот Ковид-19, во македонската репрезентација.

Тројца македонски репрезентативци Љубомир Младеновски, Бојан Трајковски и Џејкоб Вајли, биле позитивни на последните тестирања.

Сите од репрезентацијата на Македонија, според препораките на ФИБА, се во карантин во хотелот во кој се сместени и ги чекаат дополнителните тестирања.

Дури потоа ФИБА ќе реши што понатаму. Доколку нема повеќе позитивни кошаркари, а ФИБА реши Македонија да ги игра дуелите со Италија и Естонија, тоа ќе биде голем хендикеп за Македонија.