Аргентинскиот тенисер, Хуан Мартин дел Потро се сомнева дека некогаш ќе може да се врати во врвот на АТП тениската листа после сите проблеми кои ги има со повредите. Некогашниот шампион од УС-Опен летоска мораше повторно да оди на операција, затоа што пак страдаше неговото колено.

Според првичниот план, Дел Потро требаше да се врати на теренот на турнир во Стокхолм, но сепак го одложи враќањето.

„По одредени тестови, вклучувајќи и работа на терен, востановено е дека коленото се опоравува добро. Сега може да се премине на следен стадиум на рехабилитација. Сепак, ќе морам да одморам и во октомври. Не очекувам дека ќе можам некогаш да се вратам во топ 10 по сите овие проблеми. Постар сум, но чувствувам дека можам да играм се уште“ – вели Аргентинецот.

Популарниот „Делпо“ тренираше на земјена подлога, а наредниот месец е предвиден егзибициски меч со Роџер Федерер во Аргентина.

Сенегалскиот фудбалер, Садио Мане ретко зборува за својот живот надвор од теренот, се знае дека израснал во сиромашно семејство, дека татко му му забранувал да игра фудбал.

Стигна до големата сцена, стана ѕвезда, но тоа не го промени.

„Немав што да јадам, работев на поле, не можев да одам на училиште, беа тоа тешки времиња“ – вели Мане.

Тој на парите гледа како на можност да им помогне на оние кои немаат ниту за живот.

„Поради што би ми требале 10 ферарија, 20 дијамантски часовници и два авиона. Како со тоа би му помогнал на светот. Тоа што заработив е можност да им помогнам на луѓето. Наместо да трошам пари на работи кои не ми се потребни, градам училишта, купувам храна и облека за сиромашните, за оние кои немаа среќа како јас“ додава фудбалерот на Ливерпул.

Голгетерот во област во Сенегал на секое семејство му дава по 70 евра месечно, за да можат да преживеат.

Италијанскиот фудбалски гигант, Милан во јануари нема да продава ниту еден играч иако клубот објави нрекорден минус од 146 милиони евра, пишуваат италијанските медиуми.

„Росонерите“ ќе го задржат постојниот тим во зимскиот преоден рок иако се 13-ти на табелата во Серија А.

Управата на клубот нема намера да се одрече од важните играчи во тимот, пред се голманот Џанлуиџи Донарума и крилниот напаѓач, Сусо по лошиот старт на сезоната и смената на тренерот Џампаоло.

„Тутомеркато“ пишува дека „росонерите“ ќе го задржат постојниот тим затоа што во спротивно тоа не би било во склад со целите за сезоната која е во тек.

Цехот за слабиот старт го плати тренерот, па сега „врел костен“ има в раце неговата замена Стефано Пиоли.
Викендов Милан во редовно коло од Серија А го ека дуел со тимот на Лече.