Спорт
Барселона без Араухо до крајот на годината

Роналд Араухо поради повреда ќе отсуствува до почетокот на ноември, што значи дека тренерот на Барселона, Чави, на неговите услуги ќе може да смета дури по завршувањето на Светското првенство во Катар.
Араухо заработи повреда на мускулот во првата минута од пријателскиот натпревар со Иран, поради што веднаш беше испратен во Барселона.
Првично се шпекулираше дека Араухо би можел да биде подготвен до „Ел Класико“ на 16. октомври, но денешните тестови покажале дека повредата е многу посериозна.
Тој ќе биде надвор од терените од шест до седум недели, што значи дека ќе се врати на стартот на Светското првенство и ќе биде на располагање на својата репрезентација.
Од друга страна, Барса сега е во голем проблем, бидејќи и Кунде е надвор од терените, а тој и Араухо се најдобрите дефанзивци на Барселона од почетокот на сезоната.
Араухо ќе го пропушти пеколниот период, во кој Барса ќе ги одигра преостанатите четири натпревари во Лигата на шампионите, двомеч со Интер, со Баерн на „Камп Ноу“ и гостувањето во Чепка кај Викторија Пилзен. Во Ла Лига покрај, споменатото „Ел Класико“, Араухо ќе ги пропушти и натпреварите Виљареал, Атлетик Билбао и Валенсија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бруно промаши пенал, Јунајтед не успеа да победи кај Фулам

Фулам и Манчестер јунајтед одиграа 1:1, во последниот денешен напревар, одигран во рамките на второто коло во Премиер лигата.
Манчестер јунајтед продолжи онаму каде што застана минатата сезона. Ниту скапите засилувања не ја подбрија играта на „црвените ѓаволи“. Кај Фулам, Јунајтед имаше подобри панси но не успеа да му зададе удар на противникот.
Матеуш Куња во првиот дел ја погоди стативата, а во 38.минута капитенот Бруно Фернандеш не реализира пенал. Ужасно шутираше Португалецот, ударот заврши над голот.
Јунајтед успеаја да постигнат гол, во 58.минута по ударот на Јоро, топката го погоди Муниз го смени правецот и заврши во голот.
Фулам изедначи во 73.минута. Стрелец беше Смит-Роу кој нецели 120 секунди претходно влезе во игра.
Спорт
Го избркаа од Марсеј, тој потпиша за Болоња

Младиот англиски крилен играч Џонатан Роу се пресели од Олимпик Марсеј во Болоња.
Роу претходно беше ставен на трансфер листата во францускиот тим откако се степа во соблекувалната цо соиграчот Адриен Рабио, по поразот во Рен.
И двајцата беа суспендирани поради недисциплина, а Роу веќе си најде нов клуб. Овој поранешен играч на Норич одигра десет натпревари за младата репрезентација на Англија и постигна три гола.
Во Болоња ќе има биде замена за Дан Ндоје, кој замина во Нотингем Форест.
Спорт
(Видео) Грилиш како во најдобрите денови, го водеше Евертон до победа над Брајтон

Фудбалерите на Евертон имаа совршено деби на својот нов стадион. По неубедливиот настап и поразот против Лидс во првото коло, играчите на Евертон значително го подобрија впечатокот со победата над Брајтон (2:0)..
Од самиот почеток на натпреварот, Дејвид Мојс на теренот го испрати најзвучното засилување во летниот преоден рок, Џек Грилиш.
Поранешниот играч на Манчестер сити, забележа две аситенции. Во 23-та минута, брилијантно проигра покрај Ендиае, кој со прецизен удар му донесе водство на Евертон.
Уште една магија на Џек Грилиш во 52-та минута, кога му намести гол на Џек Гарнер.
Брајтон можеше да внесе драма во финишот на натпреварот, но Дени Велбек промаши пенал, поточно, голманот Џордан Пикфорд го одбрани ударот од белата точка.
Во следното коло, Евертон ќе гостува кај Вулверхемптон, додека Брајтон има тешка задача пред себе, бидејќи се соочува со Манчестер сити.