Лионел Меси, најдобриот играч во историјата на Барелона, од наредната сезона ќе го носи дресот на ПСЖ. Оваа информација, синоќај ја објави, новинарот на Радио Монте Карло, Даниел Риоло.

„Меси наредната сезона ќе игра за ПСЖ. Да, сериозен сум кога го велам ова. Меси ќе биде играч на ПСЖ“, објавил Риоло на „Твитер“. Објавите на овој новинар ги следат повеќе од 500.000 луѓе.

Оваа информација е пласирана ден по изјавата на Нејмар, кој рекол „дека следната сезона тие двајца мора да играат заедно“.

Исто така, во текот на вчерашниот ден, еден од кандидатите за претседател на Барселона, Карлес Тускетс, рекол дека клубот требало да го продаде Меси во летниот преоден рок.

Возачот на Репсол Хонда Марк Маркез е опериран во Мадрид. Шпанецот третпат ја оперираше коската во рамето. Тој се повреди на првата трка, во Мото ГП шампионатот, на 19 јули во Херез.

Неговиот тим соопшти дека на Маркез му била отстранета плочката и била поставена нова која треба подобро да ја спои скршената коска. Операцијата траела осум часа.

Извесно е дека рехабилитацијата ќе трае шест месеци, што значи дека тој ќе пропушти неколку трки во новата сезона, која ќе почне на 28 март 2021 година.

Марк Маркез има 27 години, во досегашната кариера осум пати бил светски првак, шест пати во „кралската класа“ и по еднаш во класата до 125 кубни сантиметри и Мото 2.

Фенербахче пропушти предност од 17 поени на стартот на мечот, но сепак, успеа да стигне до 73:65 победа на гости кај Зенит Санкт Петерсбург за прекинување на лузерската серија од четири меча во Евролигата.

Јан Весели заврши со 17 поени, Данило Бартел додаде 15, но клучен човек на тимот на Игор Кокошков беше Боби Диксон, кој постигна седум од своите 11 поени во последната четвртина. За поразените, Кевин Пангос имаше 16 поени. Со победата, Фенер го подобри скорот на 5-7, додека Зенит паднаа на 6-3.

Вакви проблеми немаа ЦСКА Москва, откако актуелниот шампион во натпреварувањето лесно со 80:61 го мина Олимпијакос. Гостите поведоа со 8 поени предност во првата четвртина, но потоа на сцена стапија „Армејците“ и до полувремето направија пресврт со предност од 10 поени.

ЕВРОЛИГА, 12.КОЛО

ЦСКА Москва – Олимпијакос 80:61 (20:19, 19:10, 17:9, 24:23)

Зенит Санкт Петерсбург – Фенербахче 65:73 (14:23, 18:22, 21:8, 12:20)

Макаби Тел Авив – Црвена звезда 81:76 (23:20, 18:18, 15:17, 25:21)

Милано – Панатинаикос 77:80 (22:18, 20:12, 18:24, 17:26)

Валенсија – Алба Берлин 92:100 (21:27, 29:24, 15:32, 27:17)