Во понеделник, 5. јуни, ќе започне продажбата на билети за натпреварот на Македонија – Украина (16. јуни, 20:45) на Националната арена „Тодор Проески“ во Скопје од квалификациите за ЕП 2024, објави ФФМ.

Цената на влезница за натпреварот изнесува од 300 и 400 денари.

Продажбата на билети за натпреварот Македонија – Украина ќе се организира исклучиво преку продажната мрежа на MKTickets со физичко присуство на купувачите.

Едно лице може да купи најмногу четири (4) билети. Задолжителна е влезница за натпреварот и за деца, без оглед на нивната возраст.

МАКЕДОНИЈА – УКРАИНА (Национална арена „Тодор Проески“, 16. Јуни, 20:45 часот)

Цени на билети:

Северна Трибина

Блок 13, 14, 18, 19, 20, 21, 23 и 24 300 денари

Јужна Трибина

Блок 1, 2, 5 и 6 300 денари

Блок 3 и 4 400 денари

Билетарата на Националната арена „Тодор Проески“ ќе биде отворена на 14-ти, 15-ти јуни и на денот на натпреварот, 16-ти јуни од 10:00 часот.

Продажни места:

Скопје:

• ЛитератураМК – City Mall

• ЛитератураМК – East Gate

• ЛитератураМК – Веро Центар

• Литература – ТЦ Буњаковец

• Литература МК – ул. Македонија

• Југотон ГТЦ 1

• ЈК Травел – ТЦ Бисер

• Макпетрол – Козле

• Макпетрол – Илинденска

• Макпетрол – Влае

Велес:

• Унисон

Прилеп:

• ТА Бран

Куманово:

• Тобако Агора

Тетово:

• Тобако Монако

• Гранд Тобако

Гостивар:

• Тобако Вона 5

Охрид:

• ТА Вис Пој

Битола:

• Литерара МК

• Tobacco Brothers

Струмица:

• Литература МК

• ТА Сафари

Радовиш:

• ТА Халкидики

Инспектори на УЕФА го советуваат претседателот Александар Чеферин дека Барселона заслужува да биде суспендирана за настап во Лигата на шампионите за следната сезона. Сето ова порада случајот „Негреира“, открива шпанскиот медиум „ABC“.

Истражителите од УЕФА го анализирале скандалот и подготвиле извештај според кој на каталонскиот гигант треба да му биде забранет настап во елитното клупско натпреварување на Стариот континент.

Истрагата покажа дека во периодот од 2001 до 2018 година, Каталонците му платиле 7,3 милиони евра на Хозе Марија Хенрикес Негреира за различни услуги, често опишани едноставно како „консултации“. Меѓутоа, проблемот е што станува збор за потпретседател на Судската комисија во Шпанија. Ова се смета за конфликт на интереси бидејќи Негреира можеби влијаел на одлуките на судиите.

Претседателот на УЕФА, Александар Чеферин, најверојатно ќе ја почека и одлуката на шпанските власти, кои исто така работат на случајот, пред да донесе конечно решение за овој случај.

Баерн Минхен e подготвен за големи промени во текот на летото. Се започна со отказните решенија за извршниот и спортскиот директор, Оливер Кан и Хасан Салихамиџиќ. Тренерот Томас Тухел ќе остане и покрај тоа што медиумите шпекулираа дека и тој ќе се поднесе оставка. Баерн подготвува големи промени и во ростерот.

Прва цел во преодниот рок ќе биде напаѓач од екстра класа. Баерн испрати понуда до Хари Кејн, која англискиот репрезентативец ја одбил со образложение дека не сака да ја напушта Премиер лигата или пак чека повик од Реал Мадрид.

Пред два дена Бенжамин Павар го известил клубот дека нема да го продолжи договорот и побарал трансфер.

Во четвртокот, медиумите објавија дека Баерн на трансфер листата ставил три големи ѕвезди: Садио Мане, Лерој Сане и Серж Гнабри.

Сенегалецот Мане, не ги исполни очекувањата по трансферот од Ливерпул. За играч од негов калибар скромен е учинокот од шест асистенции и 12 гола.

Мане беше вклучен во скандалот со Сане, по поразот од Манчестер сити во Лигата на шампионите. Тогаш Мане го удри соиграчот. Сезонава, Сане, има учинок од 14 гола и 10 асистенции.

Гнабри е ставен на трансфер листата и покрај тоа што лани го продолжи договорот. Тој има најдобра статистика од играчите кои се ставени на трансфер листата. Сезоната ја заврши со 17 гола и 12 асистенции.