Спорт
Барселона „падна“ во Тел Авив, Олимпијакос во драма подобар од Фенер
Макаби Тел Авив стана првиот тим кој ја победи Барселона во Евролигата оваа сезона, откако беа просто незапирливи во 85:68 победата над досега непоразениот фаворит.
Џејмс Нанали уфрли 17 поени, Скоти Вилбекин додаде 16, а Дерик Вилијамс заврши со 12 поени за победниците, кои го стартуваа мечот со 31:18 предност по првата четвртина. Гостите успеаја да ја намалат предностас на 11 поени (65:54) на крајот на третата четвртина, но немаа шанси за камбек во лудата последна четвртина.
Кори Хигинс имаше 20 поени, а Никола Миротиќ 17 за Барселона, која сега има 6-1 скор, додека Макаби по четири победи едноподруго има 5-2 скор.
Костас Слукас пак беше човекот на одлука за Олимпијакос да стигне до драматична 67:65 победа над Фенербахче, кои успеаја да се вратат од 13 негатива во последната четвртина, но на крајот потфрлија.
Фенербахче поведе во последната четвртина, пред Слукас да даде 8 од своите 14 поени во последните пет минути, вклучувајќи го и победничкиот кош за драматична завршница. Ова е трет пораз во низа за Фенербахче, и тоа третпат во последните секунди од мечот.
ЕВРОЛИГА, 7.КОЛО
Алба Берлин – Баерн Минхен 69:82 (18:19, 18:18, 19:20, 14:25)
Олимпијакос – Фенербахче 67:65 (19:14, 26:20, 10:19, 12:12)
Макаби Тел Авив – Барселона 85:68 (31:18, 25:18, 9:18, 20:14)
Олимпија Милано – Црвена звезда 79:62 (24:6, 19:21, 19:23, 17:12)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.