Спорт
Барселона повторно е под истрага на обвинителството

Шпанското обвинителство покрена истрага за исплата на околу 1,4 милиони евра од Барселона на компании во сопственост на потпретседателот на судиската комисија на Шпанската фудбалска федерација (РФЕФ) во периодот од 2016 до 2018 година.
Барселона соопшти дека е запознаена со започнатата истрага, како и дека уплатите на сметката на компанијата во сопственост на Хозе Марија Енрикез Негреира, кој беше и потпретседател на судиската комисија, се направени за услугите на надворешен консултант кој направил технички извештаи поврзани со професионални судии, што е вообичаена практика на професионалните фудбалски клубови.
Поранешниот претседател на Барселона, Џосеп Бартомеу изјави дека клубот претходно плаќал за слични услуги, 575.000 евра годишно од сезоната 2009/10. до 2018 година, кога ваквата практика беше укината поради недостиг на средства.
Техничката комисија за судии (CTA) објави дека Негреира нема официјална улога во организацијата од 2018 година и дека ниту еден активен судија или член на CTA не може да дава какви било услуги што би ги ставиле во конфликт на интереси.
Самиот Негреира изјави дека неговите совети се чисто вербални и се однесуваат само на однесувањето на играчите кон судиите. Тој негираше дека ја фаворизирал Барселона во какви било дискусии или одлуки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Татко и син, фудбалски тренери во ист ден добија откази

Фудбалските тренери, таткото и синот Јанис и Јоргос Петракис, во ист ден добија откази.
Јоргос Петракис беше тренер на грчкиот АЕЛ, а неговиот татко Јанис, го водеше Панетоликос.
Самиот факт дека во една лига татко и син работат како тренери на различни клубови е навистина импресивен, но бизарно е што двајцата беа отпуштени на ист ден.
Јанис Петракис го водеше Панетоликос од 2023 година, а доби отказ по катастрофалниот пораз од Левадијакос со 6:0. Неговиот син Јоргос беше на клупата на АЕЛ Лариса, клуб кој оваа сезона избори промоција во грчката Супер лига.
Неделата беше фатална и за него, бидејќи беше отпуштен по поразот од 5:2 против Волос.
Двата клуба моментално се наоѓаат на самото дно на табелата, на 12-та и 13-та позиција со само четири освоени бода, со два бода последен е Астерс.
Спорт
Шок во Белград – Задар ја победи Црвена звезда

Кошаркарите на Црвена звезда загубија од Задар со 79:85 во првиот натпревар во АБА лигата, во групата Б.
Екипата на Јанис Сферопулос сè уште не знае за победа оваа сезона, бидејќи ова е трет пораз, по два неуспеси во Евролигата.
Од друга страна, Задар направи големо изненадување, слично како пред три години кога победи во Пионир.
Актуелните шампиони на Хрватска водеа речиси во текот на целиот натпревар и ја остварија четвртата последователна победа над Црвена звезда во Белград.
Кај Звезда, Сами Оџелеи постигна 15 поени со 10 скока, додека Ебука Изунду додаде 15 поени и седум скока.
Џордан Нвора постигна 14 поени, Тајсон Картер 12, а Стефан Миљеновиќ 11 поени.
Задар до победата го предводеа Владимир Михаиловиќ со 21 поен, Карло Жганец со 18, Бо Бич оствари дабл-дабл учинок од 17 поени и 10 скока. Двоцифрен број на поени, 10, имаше и Борна Капуста.
По завршувањето на натпреварот навивачите побараа оставки од чените луѓе на клубот и тренерот Сферопулос.
Foto/ Luka Milosavljevic / STARSPORT
Спорт
Јувентус во Лондон ја најде замената за Влаховиќ

Душан Влаховиќ ја игра последната сезона во дресот на Јувентус. Не ги опрвада вложените 82 милиони евра во неговиот трансфер од Фиорентина.
Србинот влезе во последната година од договорот, ги одби сите понуду да потпише нов за многу помала плата. Италијанските медиуми шпекулираат дека Јувентус ќе се обиде да го продаде Влаховиќ во зимскиот преоден рок. Планот е да извлече некое евро од неговиот трансфер, доколку тоа не му успе тгаш напаѓачот како слободен играч ќе го напушти клубот во јуни следната година.
„Тeam Talk“, тврди дека Јувентус веќе почнал да бара замена за Влаховиќ и дека изборот паднал на Габриел Жесус.
Арсенал веќе ја одредил цената за Бразилецот, а „Старата Дама“ мора да издвои околу 35.000.000 евра за неговиот трансфер.
Се додава дека Жесус го следи и Евертон, кој ќе биде главен конкурент во битката за потписот на напаѓачот на „топџиите“. Бразилецот сè уште се опоравува од сериозна повреда и наскоро треба да се врати на теренот.