Спорт
Бартомеу негира вмешаност во аферата „Месигејт“
Поранешниот претседател на Барселона, Џосеп Марија Бартомеу, негира дека тој на „Мундо депоритиво“ им ја доставил информацијата за договорот на Лионел Меси. Овој медиум вчера објави дека во 2017 година, кога Меси последен пат го продолжил договорот со Барселона, клубот се обврзал до 30 јуни 2021 година да му исплати бруто-плата во износ од 555.237.619 евра.
Барселона и Меси, веднаш кога информацијата се појави во јавноста, најавија тужби против „Мундо депортиво“, но и против Бартомеу и неговите најблиски соработници, актуелниот в.д. претседател Карлес Тускетс, Оскар Грау и Џорди Местре.
Меси ќе поднесе поднесе тужби против сите бидејќи копии од договорот имале само Бартомеу, неговите соработници и адвокатите на фудбалерот.
„Не е точно дека јас ги открив деталите од договорот на Меси. Лео го заслужил сето тоа. Да не беше пандемијата, Барса совршено ќе функционира“, порачал преку соопштение Бартомеу.
„Мундо депортиво“ не се исплашени од најавените тужби, тие и денес објавија текст поврзан во кој откриваат детали за договорот.
Барселона на Меси за неговата лојалност треба да му исплати 39.000.000 евра и тоа до 15 јули, односно две недели по истекот на договорот кога тој може да биде и фудбалер на друг тим.
Колку и да се сумите во договорот на Меси големи, вината не е негова. Некој во клубот договорил тој да добие бонус за лојалност и во ситуација да не е играч на Барселона. Јасно е дека Бартомеу и неговите соработници во 2017 година биле сигурни дека Меси кариерата ќе ја заврши на „Камп ноу“.
Но, најдобар пример дека не знаеле да работат и да преговараат е случајот со Нејмар. Бразиелцот го чекаше 1 август 2017 година за да добие бонус за лојалност од 40.000.000 евра, а два дена подоцна замина во ПСЖ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.