Австралиецот Џорџ Камбосос Џуниор е нов освојувач на ИБФ, ВБА и ВБО титулите во лесна категорија, откако го шокираше големиот фаворит, Американецот Теофимо Лопез на мечот во „Медисон сквер гарден“ во Њујорк.

Камбосос, кој влезе на мечот како 6-1 аутсајдер, го прати Лопез на подот во првата рунда, а потоа самиот стана во 10. рунда од слична позиција за да победи на поени пред гласната публика. Двајца од судиите решија дека Камбосос победил (115:112, 115:111) додека третиот сметаше дека Лопез бил подобар (114:113).

„Верував во себеси и знаев дека можам да го победам. Јас не сум крал, јас сум император, бидејќи одам од земја во земја и ги соборувам сите“, вели Камбосос.

За 24-годишниот Лопез (16-1, 12 КО) ова беше прв меч по победата над Василиј Ломаченко минатата година, но во борбата на годината, според многумина, беше во сенка на 28-годишниот Австралиец (20-0, 10 КО), кој откако ги изддржа нападите во првите неколку рунди, беше поактивниот боксер.

Контроверзната нова ММА-промоција, „Тријад комбат“ донесе пресметки на боксери и ММА фајтери во ринг во форма во триаголник, а главниот меч донесе нови контроверзи, откако поранешниот кандидат за светската титула во тешка категорија, 40-годишниот Кубрат Пулев го „уништи“ поранешниот шампион во УФЦ во лесна категорија, Френк Мир.

Разликата во формата и во класата беше препознатлива веднаш, и кога Пулев почна да го удира противникот, а судијата на мечот, Ден Мираљота чекаше да прогласи нокаут, дел од фановите станаа загрижени за добросостојбата на Мир.

На крајот Мир се тетеравеше во рингот налик на лик од видео-играта „Мортал комбат“, но за среќа Пулев само стоеше и чекаше мечот да биде прекинат.

Ерлинг Халанд имаше спектакуларно враќање по повредата, откако веднаш по враќањето на теренот постигна гол за да ја комплетира камбек победата на Борусија Дортмунд против Волфсбург (1:3), нешто што наиде на незадоволство на една навивачка на домашниот клуб.

По шест недели пауза, на Норвежанецот му беа потребни само седум минути да го најде патот до мрежата, по што реши да прослави со покажување кон една навивачка на Волфсбург, која очигледно не беше воодушевена.

Самиот Халанд не се лутеше на гестот и го сподели на социјалните мрежи со порака: „Затоа го сакаме фудбалот“.

Don't provoke the fans, even if you're Haaland 😂 pic.twitter.com/fxXvKLko0w

— FLY-FOOT (@fly_foot) November 27, 2021

That's actually really funny https://t.co/hHyNRAAouF

— Erling Haaland (@ErlingHaaland) November 27, 2021