Вардар, вчерва ќе ја пречека Лозана, во првиот меч од второто квалификациско коло во Конференциската лига.

Во таборот на актуелниот освојувач на Купот на Македонија, очекуваат тежок меч, со надеж дека ќе обезбедат предност пред реваншот во Швајцарија.

„Се зависи од ривалот како ќе ни дозволи да играме, но знам дека секој наш играч што ќе излезе на теренот, ќе го даде максимумот. Ние следевме како игра ривалот, знам и јас како се игра таму бидејќи сум играл во Австрија. Но, тоа ќе го оставам за мене, пред да одлучам како ќе се поставиме на теренот. Тешко беше да се игра во Сан Марино против бункер, но наша цел беше да минеме во следна рунда и успеавме во тоа. Не би давал прогнози, па нека победи оној кој е подобар.“ – изјави Седлоски.

Натпреварот Вардар- Лозана се игра на арената „Тодор Проески“ вечерва со почеток од 20:30 часот. Реваншот е на 31. јули, во Лозана.

Доколку, во втората рунда, Вардар ја елиминира Лозана, во третото коло ќе се сретне со победникот од двомечот меѓу Зимбру (Молдавија) и Астана (Казахстан).

Фото/ fcvardar.com

Долго време главна тема во падокот на Формула 1 е потенцијалното заминување на актуелниот шампион Макс Ферстапен од Ред Бул на крајот од годината. Се шпекулираше дека Ферстепен ќе вози во Мерцедес следната сезона. Сепак, се чини дека ова нема да се случи барем уште една година.

Иако неодамнешното отпуштање на шефот на Ред Бул, Кристијан Хорнер, дополнително ги разгоре гласините за заминување на Ферстапен од тимот, како и потврдата од шефот на Мерцедес, Тото Волф, дека преговорите се во тек, австрискиот „ОРФ“, објави дека клаузулата во договорот на Холанѓанецот повеќе не е во сила.

Сегашниот договор со Ред Бул важи до крајот на 2028 година, а споменатата клаузула му даваше можност на возачот да го напушти тимот тимот доколу на половина од сезоната, пред тркачкиот викенд во Белгија, се наоѓа под третото место во генералниот пласман.

Сепак, 27-годишникот моментално ја зазема третата позиција зад дуото на Мекларен.

Од друга страна, во разговор со австриските медиуми, Волф потврди дека ги сака Џорџ Расел и Андреа Кими Антонели во тимот, но не ја исклучи можноста да ги доведе Ферстапен во иднина.

„Начинот на кој одиме е дека дефинитивно сакаме да продолжиме со Џорџ и Кими. Тоа е апсолутен приоритет. Но, не можете да игнорирате некој како Макс и неговите планови за иднината. Разгледавме, но не мислам дека ќе има некои поголеми изненадувања“, рече Волф.

Останува да се види кога и за кој период Расел и Антонели ќе ги продолжат своите договори. И двајцата возачи се долгорочни проекти на Мерцедес, при што младиот Италијанец ја вози својата прва сезона во Формула 1.

Првенството во Формула 1 продолжува овој викенд, кога на програмата е Големата награда на Белгија на легендарната патека „Спа-Франкоршамп“.

Foto/ X

Феликс Баумгартнер (56), австриски екстремен спортист познат по своите историски скокови со падобран и рекорди што ги поместија границите на човечките можности, почина пред една недела во несреќа во Италија. Почина во Порто Сант’Елпиди за време на лет со параглајдер.

Првичните извештаи велеа дека Баумгартнер починал откако му се слошило во воздух и ја изгубил контролата врз параглајдерот. Се шпекулираше дека станува збор за срцев или мозочен удар бидејќи Австриецот починал на лице место.

Обдукцијата го покажа спротивно, потврди германскиот „Билд“. Баумгартнер починал поради силен удар во кој му бил скршен ‘рбетот во долниот дел.

Баумгартнер стекна светска слава во 2012 година благодарение на проектот „Ред Бул Стратос“. Скокна од капсула што била подигната со хелиумски балон на висина од 39 километри над пустината во Ново Мексико. За време на слободниот пад, тој ја пробил звучната бариера, достигнал брзина од 1357 км/ч и постави голем број светски рекорди.

Тој настан го следеа повеќе од осум милиони гледачи во живо, а Баумгартнер на тој начин стана симбол на човечката храброст и пионер во истражувањето на екстремните физички напори.

Австриецот го загуби животот во несреќа во која неговиот моторизиран параглајдер се урна во хотелскиот базен.

Фото/ Принскрин