И покрај првичните деманти од Пари Сен-Жермен, Кристијано Роналдо му порачал на својот агент, Жорге Мендеш да продолжи со преговорите со францускиот гигант, разочаран од елиминацијата на Јувентус од Лион во осминафиналето на Лигата на шампионите, јавува францускиот „Футмеркато“.

Елиминацијата на Јуве веќе донесе смена на тренерот на италијанскиот клуб, откако Андреа Пирло го смени Маурицио Сари, а најавите од Италија се дека ќе се прави „ремонт“ на тимот со дури 10 фудбалери на продажба.

Роналдо по елиминацијата даде изјава во обид да се „збијат редовите“ во италијанскиот клуб.

„Огромен клуб како Јувентус секогаш мора да размислува како најдобрите на светот, да работи со најдобрите на светот за да можеме да се наречеме најдобар и најголем клуб на светот. Фановите бараат повеќе од нас. И мора да го оствариме тоа“, изјави Роналдо.

Но, по втора сезона разочарувања во европските натпреварувања по минатогодишната елиминација од Ајакс, 35-годишниот Роналдо сигурно сака да биде во клуб каде што може да биде ривал за своето омилено натпреварување. Останува да видиме дали има вистина во овие шпекулации.

Финансиски моќниот азербејџански клуб Карабаг ќе биде противник на македонскиот претставник во првото квалификациско коло на Лигата на шампионите и ќе претставува вистински подвиг клубот од Кратово да се пласира во наредното коло.

Поради корона вирусот, наместо два меча, дома и на гости, ќе се игра само еден меч на 18 или 19 август. Победниците влегуваат во второто квалификациско коло, додека поразените влегуваат во второто квалификациско коло на Лига Европа.

Карабаг е клуб формиран во 1987 година, а од 1992 година се членови на Премиер лигата на Азербејџан, и следната година ја освојуваат првата од своите осум национални титули. Карабаг е официјално домаќин во Агдам, град кој се наоѓа под окупација на Ерменија по војната во Нагорно Карабах, и своите мечеви ги игра во престолнината Баку. Тие имаат седум азербејџански титули во низа и во 2017 година играа во натпреварите по групи во Лигата на шампиони.

ЛШ, 1.КВАЛИФИКАЦИСКО КОЛО, 18/19 АВГУСТ

КАРАБАГ (Азе) – СИЛЕКС (Мкд)

Ференцварош (Унг) – Ѓургарден (Шве)

Селтик (Шко) – КР Рејкјавик (Исл)

Легија Варшава (Пол) – Дрита (Кос)/Линфилд (СИр)

Шериф (Мол) – Фола Еш (Лук)

Конахс Квеј (Вел) – Сараево (БиХ)

Црвена звезда (Срб) – Еуропа (Гиб)

Будуќност Подгорица (ЦГо) – Лудогорец (Буг)

Арарат-Арменија (Ерм) – Омонија (Кип)

Флоријана (Мал) – ЦФР Клуж (Ром)

Макаби Тел-Авив (Изр) – Рига (Лет)

Динамо Тбилиси (Гру) – Тирана (Алб)

Динамо Брест (Блр) – Астана (Каз)

Молде (Нор) -КуПС Куопио (Фин)

Флора Талин (Ест) – Судува (Лит)

Целје (Сло) – Дандалк (Ирс)

КИ (Фар) – Слован Братислава (Свк)

Герет Бејл не размислува да се откаже од договорот со Реал Мадрид, и очекува да му ги исплатат целосните 66 милиони евра за двете преостанати години од неговиот договор за да замине, јавува британскиот „Сан“.

Реал Мадрид минатото лето ја одбија понудата тој да замине во Кина (Џиангсу сунинг) со договор од милион фунти неделно, и се најдоа во незавидна состојба да имаат фудбалер кој не покажува многу голем интерес за клубот и покрај високата плата. Тој одби да отпатува за Манчестер за мечот од ЛШ со Сити и јасно е дека Зинедин Зидан не планира да му даде нова шанса.

31-годишниот Велшанец нема играно во последните осум меча на „кралевите“, но веќе порачал на соиграчите и на неговиот менаџер дека нема да дозволи да се играат со него, лут на пропаднатиот кинески договор. Тој бил подготвен да седи на клупата следните две сезони ако тоа е потребно.

Gareth Bale will STAY at Real Madrid in £60m stand-off – as payback for keeping him in 2019 | @pjcadden & @kenlawrence__ https://t.co/IqmG8i7RiV pic.twitter.com/jGalJVqXjr

— The Sun Football ⚽ (@TheSunFootball) August 8, 2020