Американската банка, Џеј-Пи Морган, едена од најмоќните финансиски институции во светот, се повлече од европската Суперлига.

„Очигледно е дека погрешно ја проценивме ситуацијата“, известиле од банкарскиот гигант, кој требаше да биде главниот финансиер на експресно пропадната Суперлига.

Њујорк тајмс, објави дека Џеј-Пи Морган, требаа да го финансираат проектот со 3,5 милиојарди евра. Секој од клубовите за влез во Суперлигата требало да добие по 350 милиони евра. Ова е четири пати поголема сума, од онаа што ја доби Баерн Минхен кога лани ја освои титулата во Лигата на шампионите.

Европската Суперлига, во неделата, ја формираа три шпански (Реал, Атлетико, Барселона), три италијански (Јувентус, Интер, Милан) и шест англиски клуба (Челси, Арсенал, Тотенхем, Манчестер јунајтед, Манчестер сити, Ливерпул).

Под притисок на навивачите, јавноста и некои Влади, најпрвин Суперлигата ја напуштија клубовите од Англија, а потоа истото го направија Милан, Атлетико и Интер.

Споменатите 12 клубови, заедно со уште три засега неименувани клуба, требаа да му се приклучат на проектот, со кој би управувале 15 клубови. Дополнителни пет клуба, според резултатите во националните првенства, би добиле покани да учествуваат во Суперлигата.

Кристијано Роналдо се наоѓал во искушение да се врати во својот поранешен клуб, Манчестер јунајтед, пишува „Газета дело Спорт“. Според овој извор, тој бил подготвен во Јунајтед да игра за помала плата од онаа што ја заработува во Јувентус.

Кристијано Роналдо, во Јувентус, годишно заработува 31 милиони евра, но во Манчестер јунајтед би играл и за 20 милиони евра. Ова значи дека тој би се откажал од 11 милиони евра, бидејќи со Јувентус има договор и за наредната сезона.

„Газета дело Спорт“, пишува, дека Португалецот не бил среќен во Јувентус. Не му се допаѓале многу работи што се случиле во клубот, во последните 12 месеци. Сакал да се врати во Јунајтед, бидејќи неодамно менаџерот Оле Гунар Солскјер изјавил дека би сакал Роналдо да се врати на „Олд Трафорд“.

Роналд Куман и неговото однесување на натпреварот со Хетафе, денес се анализира во шпанските медиуми. Барселона, со два гола во финишот убедливо го порази Хетафе со 5:2, меѓутоа медиумите го истакнуваа бесот на Куман, во средишницата на второто полувреме, кога Хетафе го намалија резултатот на 3:2.

Тренерот на Барселона, му се налути на Мингеза, откако во еден напад тој ја напушти својата позиција во одбраната и тргна во напад.

Куман, луто му сугерираше дека играат со тројца во одбраната, дека не треба да оди толку напред, а потоа го извади Мингеза. На неговото место на теренот влезе Самуел Умтити.

Потоа кога Мингеза дојде до клупата, му пушти рака на тренерот, овој најпрвин го игнорираше, а по неколку секунди сепак се ракуваше со својот фудбалер.

Медиумите пишуваат дека Куман не се однесувал како тренер на голем клуб, каков што е Барселона.

كومان ومينغويزا بعد خروجه 👀👀👀👀 pic.twitter.com/0Ql5lxP9b9

— FÇB Media (@waite_dion) April 22, 2021