Шкендија стигна до 2:1 победа кај Македонија Ѓорче Петров во дербито на 15. коло во македонската Прва лига за трет триумф во низа, но лидерот Шкупи не дозволи изненадување и со четири гола во второто полувреме стигна до 4:0 победа над Струга за да остане на четири поени пред Академија Пандев и седум пред Шкендија.

Сидрит Гури ја донесе Шкендија во водство уште во 11. минута, а играта целосно се мени кога Филип Мишевски доби втор жолт картон во 25. минута оставајќи ги Македонија со играч помалку. Шкендија го искористи ова и во 77. минута преку Аденис Шаља зголеми на 2:0, а домаќините намалија преку нововлезениот Абу Камара во 83. минута.

Во Чаир пак, Струга до 55. минута изддржа за 0:0 со лидерот Шкупи, пред Сандеј Адетуџи да постигне хет-трик за 15 минути да го реши победникот.

Тиквеш ја продолжи мизерната серија на Работнички на три порази, по 2:0 победата во Кавадарци, Пелистер и Скопје одиграа реми без голови, додека Брегалница со 2:1 беше подобра од Борец.

Фото: ФК Шкендија

ПРВА ЛИГА, 15.КОЛО

Брегалница – Борец 2:1

Македонија Ѓорче Петров – Шкендија 1:2

Пелистер – Скопје 0:0

Шкупи – Струга 4:0

Тиквеш – Работнички 2:0

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1950-37708”));

Пари Сен-Жермен стигна до тешко извојувана 3:1 победа на гости кај најтрофејниот француски клуб Сент-Етјен, во меч во кој, конечно, своето деби за ПСЖ го имаше Серхио Рамос, а неговиот соиграч Лионел Меси имаше неверојатни три асистенции за тешка победа.

Нејмар уште во 7. минута ја затресе мрежата на домаќините, но голот беше поништен поради офсајд, по што во 25. минута следуваше шок за фаворитите, кога Денис Буанга успеа да го совлада Џанлуиџи Донарума. До крајот на полувремето, тимот на Маурисио Почетино успеа да израмни, откако црвен картон доби Тимоти Колодзиејчак, а Меси го пронајде Маркињос за 1:1.

И покрај притисокот и огромната разлика во поседот на топката, за гол се чекаше до 79. минута, кога Меси со прекрасна топка го пронајде Анхел ди Марија за три поени. Во 85. минута малер за ПСЖ, откако Нејмар незгодно се повреди и на носилки беше изнесен надвор од теренот, а потоа во 90. минута, Меси повторно успеа да го најде Маркињос за конечни 3:1.

ПСЖ сега по 15 кола во Лига 1, имаат освоено 40 поени, дури 14 пред второпласираната Ница, додека Сент-Етјен остануваат препоследни во лигата со 12 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4-37167”));

Удинезе и Џенова одиграа 0:0 реми во дуелот на двата најстари италијански клубови, кои постојано оддржуваат пријателски односи и во кои играат двајца македонски фудбалери – Горан Пандев (влезе како замена) и Илија Несторовски (остана на клупата).

Удинезе го прослави својот 125. роденден, со што само Џенова, клуб кој е стар 128 години е постар клуб од нив, и тифозите во Удине го прославија тоа со заеднички транспарент на кој пишуваше: „Блиску во минатото, заедно во иднината“.

На теренот, Џенова на Андриј Шевченко треба да биде задоволна со ремито, негов прв поен од седнувањето на клупата на Грифоне, со кој остануваат на 18. место во Серија А со само 10 поени, еден зад Специја, додека Удинезе се на 14. место со 15 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));