Украинката Елина Свитолина, сопруга на Гаел Монфис, го освои бронзениот медал на олимпискиот турнир во Токио. Свитолина во борбата за третото место ја победи Елена Рибакина од Казахстан со 1/6, 7/6, 6/4.

Дуелот за олимписката бронза траеше два часа и 28 минути, а го обележа неверојатниот кам-бек на Свитолина.

Четвртата носителка на олимпискиот турнир во првиот сет освои само еден гем, во вториот се соочи со брејк во раната фаза, но успеа да се врати и во тајбрејкот да израмни на 1:1.

Рибакина и во третиот сет во раната фаза направи брејк, поведе со 3:0 и тука застана. Свитолина го врати брејкот, потоа направи уште еден што и беше доволно за конечен триумф.

Иконата на мото спортот, Валентино Роси, ќе вози за својот тим наредната сезона во Мото ГП, тврдат бројни италијански медиуми. Договорот на Роси со Петронас Јамаха истекува по завршувањето на сезоната. Тимот најави дека Роси нема да добие нов договор.

Валентино Роси, на крајот од минатата сезона стана без договорот со фабричкиот тим на Јамаха, се пресели во Петронас, каде што не ги оправда очекувањата.

Тој сака да ја продолжи кариерата, а за да го оствари тоа има само една опција, да вози за својот тим. Тимот на Роси ќе има две места во шампионатот, откако постигна договор со компанијата „Арамко“, која се наоѓа во сопственост на кралското семејство на Саудиска Арабија.

Втората компанија, која е под контрола на принцот Абдулазиз бин Абдулах Сауд Танал, која се занимава со медиумска дејност, најави дека во наредните денови ќе објави интересни детали за својот проект во Мото Гп шампионатот.

Прес конференцијата ќе се одржи во резиденцијата на принцот. Добро упатени извори, тврдат, дека Роси ќе биде промовиран во прв возач на тимот Арамко ВР46 Дукати тим.

Тимски колега би требало да му биде полу-братот Лука Марини.

Доколку овие најави се точни, тоа значи дека Роси по девет години повторно ќе соработува со Дукати. Во 2011 и 2012 година, Роси, имае неуспешна соработка со Дукати. Во тој период забележа само три пласмани на подиумот, најдобар резултат му беше второто место.

Спектакуларен натпревар, во четврт-финалето на фудбалскиот турнир, одиграа олимписките репрезентации на Шпанија и Брегот на Слоновата коска. Шпанците славеа по продолженијата со 5:2. Шпански херој е Рафа Мир, кој постигна гол во 92.минута, со кој „црвената фурија“ обезбеди продолженија, а потоа со два гола ја запечати победата на својата репрезентација.

Брегот на Слоновата коска, преку Ерик Баи, дојдоа до предност во 10.минута. Дани Олмо израмни на 1:1 во 30.минута.

Овој резулатат беше активен до 90.минута, кога Градел постигна гол за нова предност на „Слоновите“.

Сепак играчите на африканската селекција не успеаја да издржат. Само што влезе во игра, Рафа Мир, ја искористи конфузијата во одбраната на противниците и успеа да израмни.

Во дополнителните 30 минути, Ојерзабал постигна гол за 3:2 во 98.минута, а потоа Мир со два гола го комплетираше хет-трикот.