Спорт
Беноа Пер: Тоа што се случува на Австралија опен е срамота

Францускиот тенисер Беноа Пер смета дека организаторите на Австралија опен треба да се засрамени од начинот на кој се однесуваа кон тенисерите во таканаречениот цврст карантин пред првиот гренд слем во 2021.
Французинот, кој загуби во четири сета од Егор Герасимов во првото коло (2:6/6:2/6:7(5)/5:7), вели дека турнирот се фокусира на парите со одлуката да се одржи турнирот и покрај пандемијата на Ковид-19. Пер беше меѓу 72-те тенисери и тенисерки што не можеа да излезат од своите хотелски соби откако патниците во нивниот авион имаа позитивни тестови на Ковид-19.
„Тоа е ср.ње и вистинска срамота што воопшто се случи. Бев задоволен од мојата игра, но овој турнир е навистина ср.ње. Имаше позитивен тест на летот до Аделаида, но таму се однесуваа срамно со нас. Не сфаќам зошто направија така. Можеби ќе победев на овој меч со уште една-две тренинг-сесии и нормални подготовки. Се работи за парите. Ако го откажеа турнирот, ќе загубеа многу пари. Тенисерите пак, сметаа дека има пари да се заработат тука и затоа дојдоа. И јас играм за пари. Но, кога мораш да жртвуваш толку работи и така се однесуваат кон вас, треба да се сопре“, вели 31-годишниот Пер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Партизан ја освои АБА лигата

Кошаркарите на Партизан ја победија Будуќност од Подгорица во четвртиот натпревар од финалето на АБА лигата и ја освоија шампионската титула.
Партизан против Будуќност победи со 90:75 и ја освои рекордната осма шампионска и повторно стана најтрофејниот тим во историјата на АБА лигата. На тронот црно-белите го наследија градскиот ровал Црвена звезда.
Партизан од средишницата на втората четвртина ја презеде контролата и врз играта и врз резултатот. Будуќност во ниту еден момент не успеа да му се закани на новиот шампион.
Брендон Дејвис беше најефикасен со 18 поени и 4 скока, додека Стерлинг Браун имаше 18 поени, 2 скока и 3 асистенции, а Карлик Џонс 17 поени, 4 скока и 9 асистенции. Двоцифрени со по 13 поени беа и Исак Бонга и Ифе Лундберг.
На другата страна, 23 поени постигнаа Јоги Ферел, 14 Никола Танасковиќ, а по 11 Кенан Камењаш и Рашид Сулејмон.
Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.