Спорт
Бес и незадоволство: За нас вакви пенали не се судат
Реал Мадрид го победи Ваљадолид со 2:0 на гостински терен во 15. коло од Ла Лига. Избраниците на Карло Анчелоти мораа навистина да се помачат за да го скршат отпорот на домаќините. Поведоа дури во 83. минута со голот на Карим Бензема од пенал, кој беше досуден по интервенцијата на ВАР. Хавиер Санчез, кој беше свртен со грб, во скокот играше со рака откако топката беше пренасочена кон голот по корнерот.
Санчез немаше намера да ја игра топката, па домашните фудбалери сметаа дека пеналот не требало да биде досуден.
Поради жестоки приговори црвен картон доби Серхио Леон, а со него се согласува и тренерот на Ваљадолид, Пачета, кој во изјавата по натпреварот рече дека „нема да молчи“.
„Уморен сум, огорчен сум. Го погоди во раката. И на „Сан Мамес“ имаше таква ситуација, но тогаш не судеа пенал за нас. Судете го секое играње со рака, тогаш ќе знаеме каде одиме. Но, дали луѓето навистина знаат што е неприродна положба на раката? рече Пачета, а потоа додаде:
„Ако скокате со четворица играчи, исто така сте неурамнотежени. Зборувам за тоа работуре да бидат поштени, да бидат фер. Она што сакам е и тие да го судат истото за нас, бидејќи не го судат. И сега Морам да молчам? Па, нема да молчам!“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.