Ждрепката за Светското првенство во Катар ќе се одржи на 1.април наредната година. Групите за Мундијалот ќе бидат извлечени ден по Конгресот на ФИФА во Доха. На денот кога ќе биде извршена ждрепката нема да бидат познати имињата на сите учесници на Светското првенство.

Досега пласман на Мундијалот обезбедија три репрезентации, домаќинот Катар, односно Германија и Данска од европската квалификациска зона.

Во моментот кога ќе се влечат групите, нема да бидат познати имињата на победниците во Интерконтиненталните баражи.

ФИФА, шеширите од кои ќе бидат одредувани составите на грушите ќе ги одреди според пласманот на нејзината листа.

Мундијалот во Катар ќе се одржи од 21.ноември до 18.декември 2022 година.

Баерн Михнен, без тренерот Јулијан Нагелсман, забележа убедлива победа над Бенфика во Лисабон (4:0). Тренерот поради грип останал во хотелот во Лисабон.

Ден по натпреварот, Баерн, објави дека тренерот Нагелсман бил заразен со коронавирусот.

„Јулијан Нагелсман се тестираше на коронавирусот, тестот е позитивен и покрај тоа што е вакциниран“, објави клубот.

Нагелсман одвоено од фудбалерите и стручниот штаб ќе се врати во Минхен. Тој ќе биде во изолација во својот дом.

Сигурно е дека Нагелсман нема да го води тимот против Хофенхајм во Бундеслигата.

Њукасл јунајтед ќе бидат активни на трансфер пазарот во зимскиот преоден рок. На тимот му се потребни засилувања за да избори опстанок во Премиер лигата. Со доаѓањето на новите газди многу имиња се поврзуваат со клубот од „Сент Џејмс парк“.

Права мета на Њукасл е напаѓачот на Евертон, Доминик Калверт-Луин. Челниците на Њукасл ги започнале преговорите со колегите од „Гудисон парк“.

Англискиот репрезентативец има договор со Евертон до 2025 година. Неговата вредност, според „Трансфермаркт“ изнесува 45 милиони евра. Медиумите на Островот тврдат дека Њукасл биле подготвени да понудат помеѓу 80 и 90 милиони евра.

Покрај Калверт-Луин, Њукасл во јануари, планира да донесе и двајца играчи на Барселона, Усман Дембеле и Фелипе Кутињо.