Хрватскиот фудбалер Лука Модриќ се договори со Реал Мадрид за продолжување на соработката уште една година откако актуелниот договор му истекува за 5 месеци. Шпанска „Марка“ пишува дека на Серхио Рамос не му успеало она што му успеа на Хрватот.

Најтиражниот шпански весник пишува дека Реал поради долготрајноста на корона-кризата и поучен од финансиската ситуација во лутиот ривал Барселона, максимално ги поедноставил преговорите, дури и со Лукас Васкез, уште еден од играчите на кои им истекува договорот.

Тоа одбивање да се комплицираат преговорите со наведените играчи се гледало и во тоа што клубот дал ултиматум по начелото земи или остави. Во „кралскиот клуб“ се убедени дека сега е најважно да останат финансиски стабилни и да ги намалат трошоците. Сè е подредено на тоа, нема сентименталност и галантност, дури ни кон најзаслужните фудбалери.

„Водството на Реал предводено од претседателот Флоретино Перез очајнички се обидува да го одржи Реал над водата и во овие ужасно тешки времиња сакаше Рамос и Васкез да ја продолжат соработката со клубот. Им понудија нови договори, тие ги одбија, сега се слободни да преговараат со други клубови. За разлика од нив, Модриќ прифати намалување на платата“, пишува весникот.

„Го почитувам Циндриќ, јас го открив и го доведов во Металург, којзнае кај ќе беше сега, дали ќе играше за Барселона или ќе останеше во Огулин. Но, кога ми треба, го нема. Се повреди во 2019, па и минатата година, сега третпат.
Често кога тренираме, кога ќе го прашам за состојбата, вели дека му треба уште половина час, па уште 20 минути, па уште 10, уште 5“, рече, меѓу другото, Лино Червар во интервју за хрватски „24 часа“.

Селекторот на Хрватска во заминување не се согласува со тврдењето на капитенот Домагој Дувњак дека на хрватската селекција ѝ треба добар ресет пред квалификациите за Олимписките игри.

„Сметам дека пристапот не смее да е таков затоа што сами на себе може да си нанесеме стрес, да не се поставува Токио како императив. За да успееме, мора да имаме здрави играчи, а тие да се свесни дека во клубовите мора повеќе да се ангажираат и да се подготват за турнирот. На новиот селектор, кој и да е, треба да му се даде доверба“, порача Червар.

Менаџерот на Ливерпул, Јирген Клоп го критукуваше Челси поради отказот на Френк Лампард, откако во неделата Англичанецот доби отказ по 18 месеци на позиција главен менаџер. Го замени Германецот Томас Тухел.

Клоп смета дека Лампард заслужи повеќе време за да ги поправи резултатите. „Сините“ од Лондон во моментов се 10-ти на табелата во Премиерлигата.

„Морам да кажам дека ова е навистина остро. Мислам дека Челси заврши одлична работа во преодниот рок, донесе добри фудбалери, а за такви работи е потребно време. Абрамович ви пружа шанса, пари, играчи, но не е една од најтрпеливите личности во светот. Френк е млад и талентиран тренер, сочувствувам со него и му посакувам се најдобро“ рече Клоп.

Томас Тухел потпиша 18 месечен договор со Челси, а дебито ќе го има вечерва против Вулверхемптон. Клоп за својот 47-годишен сонародник има пофални зборови.

„Тухел е сјаен, на наша жал, тој е навистина добар тренер. Го знам долго и многу го почитувам. Оваа екипа му е подарок и верувам дека и тој гледа така“ смета менаџерот на Ливерпул.