Спорт
„Билд“ бара Шалке да го смени логото на „Газпром“ со „Слобода за Украина“
Германскиот таблоид „Билд“ побара второлигашот Шалке да го покрие логото на руската компанија „Газпром“ од своите дресови и да го смени во „Слобода за Украина“ иако во исто време на својата веб-страница има за продажба дресови со ова лого.
Славниот клуб од Гелзенкирхен, кој, за жал, е во втората лига, има партнерство со „Газпром“ од 2007 година и во вторникот објави дека гигантот бил партнер од доверба 15 години, но дека се во постојани разговори со компанијата и дека се посветени на мир и сожителство.
Во колумната на уредникот на спортската редакција на „Билд“, Валтер Штратен, се вели дека е тешко да се гледаат мечеви од Лигата на шампионите со логото на „Газпром“ и побара Шалке да направи вистинска одлука.
„Топката се тркала, рубљата се тркала, но сега и тенковите се тркалаат. Мораме да го гледаме ‘Газпром’ на ТВ додека свири химната на Лигата на шампионите, а трупите на Путин маршираат во Украина. Го гледаме Шалке со неговите дресови како тоа да е нормалана реклама, а не финансиер на руската државна моќ. ‘Не’ за дресови на Шалке со ‘Газпром’. Залепете го. Логото со порака: ‘Слобода за Украина’“, пишува Штратен.
German newspaper BILD have covered up pictures of Schalke’s shirt sponsor Gazprom (the Russian company who’ve been partners since 2007) with the words “Freedom for Ukraine”. pic.twitter.com/UZ5o1e7TBj
— Phil Delves (@phildelves) February 23, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Циципас и српски таксист: Ти си Гризман?!
Грчкиот тенисер Стефанос Циципас сподели со своите следбеници на социјалните мрежи анегдота со српски таксист во Чикаго.
Неговата сличност со Антоан Гризман дојде до израз.
„Ме возеше српски таксист во Чикаго“, ја започна својата приказна грчкиот тенисер. „Ме погледна право во очи и ме праша: Антоан Гризман?
Јас реков: Не.
Ми намигна и рече: Добар обид.
Сега изгледа играм за Атлетико Мадрид“, заклучи Циципас.
Got picked up by a Serbian bicycle taxi driver in Chicago.
He looked me dead in the eye and said, “Antoine Griezmann?”
I said no.
He winked and said, “Nice try.”
I guess I play for Atletico Madrid now.
— Stefanos Tsitsipas (@steftsitsipas) October 25, 2025
Спорт
(Видео) Трет триумф во низа – Манчестер јунајтед го победи Брајтон
Манчестер јунајтед ја забележа третата победа во низа, во Премиер лигата, што никогаш не се случило во ерата на Рубен Аморим.
Повеќекратните европски шампиони, во деветтото коло, го победија Брајтон со 4:2.
Серијата голови ја отвори Матеус Куња со одличен шут. Во 24-та минута, Бразилецот упати удар од околу 20 метри во левиот агол на голманот на Брајтон, кој беше немоќен.
Само 10 минути подоцна, предноста беше удвоена со многу среќа. Стрелец беше Касемиро, лошо шутираше Бразилецот, но на патото кон голот закачи еден играч на Брајтон и заврши во мрежата.
Во второто полувреме Мбумо му донесе на Јунајтед недостижна предност во 61-та минута.
Брајтон успеа да го намали резултатот во 74-та минута преку ветеранот Дени Велбек, инаку поранешен играч на Манчестер Јунајтед. Целосна неизвесност внесе младиот 18-годишен Грк Костулас, со голот во 92-та минута.
Надежите на гостите дека можат да направат чудо ги урна Мбумо со вториот гол на натпреварот во седмата минута од судиското продолжение.
Јунајтед сега го зазема четвртото место на табелата со 16 бода. Брајтон е на 11-та позиција со 12 бода.
Спорт
(Видео) Наполи го победи Интер – Бизарна повреда на Де Брујне
Наполи во дербито на осмата рунда во Серија, го победи Интер со 3:1 (1:0) и се врати на челната победа на табелата. Натпреварот на „Диего Марадона“ стадионот ја обележа бизарната повреда на Де Брујне и спектакуѕларните голови на Мектоминеј и Ангиса. Репрезентативецот на Македонија, Елиф Елмас на теренот влезе во 82-та минута кога го замени Политано.
Наполи победи во дербиот, кое имаше чуден тек, барем во првото полувреме. Интер доминираше во првиот дел, создадоа играчите на Кристијан Киву неколку опасни шанси, но она што не го одбрани Милинковиќ-Савиќ, заврши во рамката на голот. Пречката ја погоди Бастони, а стативата Дамфрис.
Предност на Наполи му донесе Де Брујне од пенал во 33-та минута. Пеналот го направи Михитаријан со невнимателен старт воз Ди Лоренцо. Бизарно, но Де Брујне кога го изведе пеналот се повреди. На крајот со помош на медицинскиот тим го напушти теренот. Во вториот дел, репрезентативецот на Белгија, со помош на патерици дојде до клупата.
Вториот дел го обележаа головите на играчите на Наполи, постигнати по лошите реакции во послената линија на Интер.
Најдобриот играч во Серија А минатата сезона, Мектоминеј, испрати вистинска бомба во голот на Зомер во 54-та минута. со што го врати водството на својот тим.
Пет минути подцна, Бонџорно играше со рака, Интер доби пенал, а Чалханоглу го намали резултатот. Надежите на Интер дека ќе избегне пораз во Неаполо ги уништи Ангиса со прекрасна соло акција од која погоди во 66-та минута.
Foto/ EPA

