Актуелниот светски шампион во Мото ГП, Шпанецот Хорхе Мартин, кој веќе се повлече од првите две трки сезонава поради повреда, потврди дека ќе ја пропушти и Големата награда на САД.

„Имам проблеми, рехабилитацијата не оди толку брзо колку што би сакал. Би сакал да бидам во Остин, но нема да можам да се тркам. Не знам дали ќе бидам и во Катар (13 април). Се уште е рано”, изјави тој на прес-конференција во Мадрид.

Мартин се повреди за време на претсезонското тестирање во Малезија во февруари и мораше да оди на операција на раката, а потоа доживеа уште една несреќа за која беше потребна дополнителна операција.

Тој ја пропушти првата трка сезонава во Тајланд, а ќе ја пропушти втората во Аргентина овој викенд.

Со слободните тренинзи во Мелбурн парк започна новата сезона во Формула 1. Најбрзи беа Ландо Норис на првиот и Шарл Леклер на вториот тренинг.

Стартот на сезоната го обележа инцидентот на новиот возач на Хас, Оливер Берман. Тој направи почетничка грешка во десеттиот свиок и го искрши својот болид. За среќа возачот мина без повреди.

Првиот тренинг му припадна на Норис со 1:17.252 минути. Одлични беа возачите на Вилијамс, Саинц заврши втор, а Албон на шестото место. Луис Хамилтон во Ферари првиот тренинг го финишираше на 12. место.

Lando Norris topped the timesheets in FP1 for McLaren 👏

Here's the final FP1 classification 👇#F1 #AusGP pic.twitter.com/4Mqeps5bGu

— Formula 1 (@F1) March 14, 2025

Вториот тренинг му рипадна на Леклер (1:16.439 минути) пред возачите на Мекларен, Пјастри и Норис, изненади Јуки Цунода со четвртото место, а Хамилтон беше петти.

Берман го пропушти тренингот, во неговиот Хас е ставен нов мотор и нов менувач.

Charles goes quickest in second practice 💨

Here's the final FP2 classification 👇#F1 #AusGP pic.twitter.com/Mw4VZSp99V

— Formula 1 (@F1) March 14, 2025

Челзи „преку ноќ“ го договори првото засилување за претстојниот преоден рок, пренесува Фабрицио Романо. Џовани Куенда, 17-годишниот португалски талент кој игра за Спортинг, се согласи да премине во лондонскиот клуб.

За неговите услуги наводно биле заинтересирани Манчестер јунајтед и други англиски клубови, за сума од околу 50 милиони евра.

Куенда ќе игра уште една сезона во Спортинг, а потоа ќе му се приклучи на Челси. Не е познато колку Челзи ќе плати за младиот Португалец.

Според „Трансфермаркт“, Куенда вреди 30 милиони евра. Тој веќе некое време е стандарден во првиот тим на Спортинг, а со само 17 години веќе забележа 43 настапи за постигна два гола и седум асистенции.