Спорт
Билд: Реал не се откажал од Мбапе, ќе го донесе во финишот на предониот рок
Реал Мадрид во финишот на преодниот рок ќе се обиде да го реализира трансферот на Килијан Мбапе, тврди „Билд“, Според овој извор, Реал ќе тргне по Мбапе на 29, 30 или 31. август.
Килијан Мбапе, синоќа играше за ПСЖ кај Тулуз од 51.минута, десет минути подцна постигна гол од пенал. Додека го прославуваше првиот гол во новата сезона викаше кон навивачите: „Останувам овде, останувам овде…“.
„Билд“, тврди дека Мбапе нема да остане во Париз. Водечкиот германски спортски медиум, објави информација дека Реал во финишот на преодниот рок ќе понуди 120.000.000 евра за Мбапе.
Понатаму се додава дека на овој начин „Реал ќе ја префрли топката кај ПСЖ“. Мбапе има договор до крајот на сезоната, овој преоден рок е последната шанса ПСЖ да заработи од неговиот трансфер.
Токму ова првиот човек на Реал, Флорентино Перез ќе се обиде да го искористи. Сака да го стави ПСЖ пред свршен чин.
На Реал му треба нов напаѓач, бидејќи по заминувањето на Карим Бензема, остана само со ветеранот Хоселу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Флик го одбил Челси, чекал понуда од Барселона
Германскиот стручњак Ханси Флик ја одбил понудата да го преземе Челзи. „Мундо Депортиво“ тврди дека Флика ќе чека понуда од барселона.
Челзи, вчера му врачи отказ на Покетино. Наводно, прв пик на клупските челници бил Флик.
Германецот е без ангажман, а своевремено ги тренираше Хофенхајм, Баерн и германската репрезентација.
„Мундо депортиво“ пренесува дека Флик ја следи ситуацијата во Барселона по несугласувањата на релација Џоан Лапорта-Чави Ернандез.
Лапорта во понеделник треба да одржи состанок со Чави на кој ќе се одлучи кој ќе ја води Барселона следната сезона.
Шпанските медиуми тврдат дека доколку Чави добие отказ, Флик најверојатно ќе биде нов тренер на каталонскиот клуб.
Спорт
Силвињо доби албанско државјанство
Бразилецот Силвињо доби албанско државјанство, во знак на благодарност што со националниот тим избори на Европското првенство.
Покрај Силвињо, албанско државјанство добија и неговите помошници Италијанците Лука Лауренти и Џанлука Стесина и Аргентинецот Пабло Забалета.
Церемонијата за добивање државјанство се одржа во Лушње, град на 80 километри од главниот град Тирана.
Албанија на Европското првенство ќе игра во групата Б заедно со Италија, Хрватска и Шпанија.
Договорот на Силвињо со Албанија истекува на крајот на Европското првенство, но челниците на националниот сојуз изразија желба да ја продолжат соработката со бразилскиот селектор.
Спорт
Новитет на Копа Америка, розов картон
Репрезентациите на Копа Америка следниот месец ќе имаат можност за дополнителни замени во случај некој играч да добие потрес на мозокот или некаква друга повреда на главата, објави во вторникот КОНМЕБОЛ.
Промената на правилата ќе важи и за другите турнири што ќе ги организира ова тело. Копа Америка ќе се одржи во САД од 20 јуни до 14 јули.
„Покрај петте измени дозволени со прописите, ќе биде додадена и потенцијална шеста поради загриженост за здравјето на играчите“, се вели во соопштението на КОНМЕБОЛ.
„Ова е дополнителна замена во случај на сомневање за повреда на главата или потрес на мозокот“.
Во случај да биде извршена таква измена судијата ќе ја одобри откако ќе покажа розов картон. Принудната измена нема да се брои во дозволените пет.