Спорт
Бобан-„Ова е пораз за сите нас“, Ибрахимовиќ-„Жал ми е да гледам ваков Милан“

Милан денеска го потврди Стефано Пиоли како нов тренер на екипата, замена за Марко Џампаоло кој по само 111 дена заработи отказ. Со тоа стана тренерот со најкраток мандат во 120-годишната историја на клубот.
„Не е убаво да се биде овде поради промена на тренер, ова е пораз за сите нас, дури и на индивидуално ниво. Мора да продолжиме понатаму со изборот за кој мислиме дека е вистинскиот за Милан. Среќно на Стефано Пиоли, сјаен тренер кој доаѓа во тежок момент“ – рече Звонимир Бобан на прес-конференцијата при преставувањето на Пиоли.
Со Милан 53-годиниот Пиоли потпиша договор до летото 2021 година.
Тренерската кариера ја почнал во 2003 во Салернитана, а ги водел и екипите на Модена, Парма, Гросето, Пјаценца, Сасуоло, Киево, Палермо, Болоња, Лацио, Интер и Фиорентина.
По седум одиграни кола Милан е на 13 позиција во Серија А со само 9 бода. Последен пат во ЛШ Милан играше пред 6 години.
По повод кризата во миланскиот клуб, се огласи и екс-играчот на „црвено-црните, Златан Ибрахимовиќ.
„Тажен сум што го гледам Милан во ваква ситуација. Сите знаеме каде му е местото на овој клуб. За Милан треба да играат најдобрите играчи на светот, но во овој момент тоа не е така. Само со сериозни инвестиции може да се постигне нешто во овој момент. Мислам дека тоа е единственото решение. Без пари нема да добиете квалитет“ – рече Ибрахимовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA
Спорт
Јамал ќе го пропушти натпреварот во Њукасл

Напаѓачот на Барселона, Ламин Јамал, ќе го пропушти натпреварот на Барселона против Њукасл јунајтед во Лигата на шампионите во четврток на „Сент Џејмс Парк“ поради повреда на препоните, објави шпанскиот клуб.
Јамал се повреди додека играше за националниот тим, а тренерот на Барселона, Ханси Флик, жестоко го критикуваше селекторот на Шпанија, Луис де ла Фуенте, дека во репрезентацијата не се грижеле за 18-годишникот, кој ја пропушти и победата во Ла Лига против Валенсија викендот.
Јамал постигна два гола и имаше три асистенции во три натпревари одиграни за Барселона оваа сезона.
Клубот објави дека, покрај Јамал, не можат да сметаат на Алехандро Балде и Гави, како и на Марк-Андре тер Штеген, но ќе го имаат на располагање Френки де Јонг.
Барса беше елиминирана во полуфиналето на Лигата на шампионите минатата сезона, додека Њукасл се врати во Лигата на шампионите откако не успеа да се квалификува за натпреварувањето минатата сезона.