Новата ѕвезда на германскиот фудбал, и човекот кој го бараат најголемите европски клубови, Каи Хаверц стана фудбалерот со најмногу голови во Бундеслигата (35) пред да наполи 21 година, откако го постигна единствениот гол во тешката 1:0 победа на Баер Леверкузен кај Фрајбург во првиот меч од 29. коло.

Хаверц во 54. минута доби одлична топка од фантастичниот Леон Бејли и од практично невозможна ситуација успеа да го совлада голманот Александер Шволов за важна победа на „фармацевтите“ откако во минатото коло беа дома понижени од Волфсбург со 1:4. Сепак, тој во 66. минута од мечот излезе од игра поради повреда, откако тренерот Петер Бос не сакаше да ризикува.

Рекордите на Хаверц за Баер се импресивни – тој е најмладиот фудбалер кој одиграл 100 меча во Бундеслигата и најмлад фудбалер и стрелец во историјата на клубот од Леверкузен, за кој има постигнато и 22 асистенции. Ова беше негов петти гол по рестартот на Бундеслигата, односно во четири кола.

Со победата, Леверкузен барем привремено се искачи на третото место во Бундеслигата со 56 поени, осум помалку од лидерот Баерн Минхен. Фрајбург се осми со 38 поени.

Поранешниот НБА кошаркар Стивен Џексон беше еден од говорниците на протестот во петокот попладне во Минеаполис во чест на неговиот пријател, Џорџ Флојд, Афроамериканецот кој почина откако беше уапсен и полицаецот го задуши со неговото колено.

Оваа смрт предизвика хаос во Минеаполис, со три дена протести, а вчера беше запалена и една полициска станица во градот.

„Тука сум бидејќи нема да дозволам да го оцрнат карактерот на Џорџ Флојд. Многу пати, кога полицајците ќе направат нешто што знаат дека е погрешно, прво се обидуваат да го прикријат или да го оправдаат со историјата на личност. Не можете да ми кажете, кога човекот има колено на вратот на мојот брат и му го одзема животот со раката во џеб, тој не мисли дека е заштитен“, изјави Џексон.

Џексон, кој одигра 14 сезони во НБА лигата, станал пријател на Флојд додека двајцата раснеа во Тексас. На протестот зборуваа и актерот Џејми Фокс, како и кошаркарите на Минесота тимбервулвс, Карл-Ентони Таунс и Џош Окоги.

Инаку, полицаецот Дерек Човин, кој беше „фатен“ на видеото како клечи на вратот на Флојд, беше уапсен во петокот и обвинет за убиство.

Stephen Jackson with just about the most powerful words I’ve ever heard pic.twitter.com/7guc6O4T6W

— Jon Krawczynski (@JonKrawczynski) May 29, 2020

Леброн се јави по убиството во Минеаполис: Сега сфаќате ли зошто?

Фудбалерите на Црвена звезда ја освоија својата трета титула едноподруго во српската Суперлига, откако на гостувањето кај Рад славеа со убедливи 5:0 за 31. титула во историјата на белграскиот клуб.

Пред овој меч, „црвено-белите“ имаа предност од 11 поени пред вечниот ривал Партизан на четири кола пред крајот на шампионатот, покажувајќи уште еднаш дека се неприкосновени во шампионатот.

Уште по првото полувреме, Звезда имаше 3:0, откако во 24. минута Иваниќ од пенал го отвори резултатот, а Бабиќ (30.) и Вукановиќ (36.) ја потврдија победата. Во второто полувреме, Дегенек во 57. минута зголеми на 4:0, пред Вукановиќ во 82. минута да го постави конечниот резултат.