Деновиве се очекува НБА лигата да го објави датумот на почеток на новата сезона, а се е насочено тоа да е 22. декември.

Иако поголемиот дел од екипите нема да имаат проблем да стартуваат тогаш со новата сезона, сепак екипите кои до самиот финиш беа вклучени во минатата сезона која заврши пред помалку од еден месец ќе бидат сериозно погодени од оваа одлука. Од последниот меч од финалето меѓу Лејкерс и Мајами до 22 декември има 72 дена, додека во нормални околности паузата меѓу две сезони трае четири ипол месеци.

Мајами Хит има претежно млади играчи кои брзо се рекуперираат, но шампионите – Лејкерси се екипа полна со ветерани, на чело со Леброн Џејмс кој на крајот на годинава ќе наполни 36 години.

Специјалистот за одбрана во шампионската екипа во НБА, Дени Грин смета дека Леброн едноставно ќе го прескокне првиот месец од новата сезона доколку таа започне во проектираниот термин. Се очекува ист да биде случајот и со Ражон Рондо и Двајт Хауард.

„Ако почнеме во декември, мислам дека многумина ќе го прескокнат стартот на сезоната. Не очекувам Леброн да игра во првиот месец“ рече Грин.

Lakers guard Danny Green on the proposed Dec. 22 start to next season:

"If we start in December, I think most guys [are like] 'I'm not going to be there… to have that quick of a restart, I wouldn't expect [LeBron] to be there for the 1st month of the season." pic.twitter.com/NYqNxzNEmZ

— Logan Murdock (@loganmmurdock) October 26, 2020

Пред почетокот на новата сезона ќе биде организиран краток преоден рок во кој Лејкерси секако ќе мора да ја освежат екипата со млади играчи.

Ракометниот клуб Вардар 1961 потврди дека е одложен натпреварот против ПСЖ, во Лигата на шампионите.

Вардар, во рамките на 6. коло во А групата, требаше утре да гостува во Париз.

Причината за откажувањето на натпреварот е што тимот на Вардар 1961 пријави дека има членови позитивни на Ковид-19 на последното тестирање.

По консултациите со ЕХФ решено е натпреварот да биде одложен, и закажан дополнително во друг термин.

За Вардар ова ќе биде трет одложен натпревар, претходно не се одиграа натпреварите со Елверум и ПИК Сегед.

Извор/rkvardar.mk

Претседателот на Барселона, Џозеп Марија Бартомеу, рекол дека во ниту еден момент не размислувал да го напушти клубот. Вчера водечките шпански медиуми најавуваа дека Бартомеу ќе го напушти клубот, доколку владата на Каталонија, не го одложи гласањето за недоверба на клупското раководство.

„Никогаш не размислував да поднесам оставка. Тоа би било неодговорно. Во време на пандемија треба да се носат одговорни одлуки. Лоша одлука е да се остави клубот на администраторите“, рекол Бартомеу.

Првиот човек на Барселона верува дека ќе успе и да ги реши сите проблеми кои ги има со клубот Лионел Меси.

„Разбирам дека е лут што не замина. Се обидов да му објаснам нему и на неговото семејство дека не можеме да го пуштиме. Тој е клуч на комплетниот проект на Куман. Се надевам дека во иднина ќе каже дека е среќен, дека сака да го продолжи договорот и дека тука ќе ја заврши кариерата“, рекол Бартомеу.

За потсетување, референдумот за недоверба на клупското раководство треба да се одржи на 15 и 16.ноември. Претседателските избори во клубот ќе се одржат во март наредната година.