Спорт
Борусија (Д) се лизна кај Фрајбург – „волците“ со цел плен од главниот град
Шок уште во второто бундеслигашко коло за еден од главните конкуренти на Баерн Минхен за титулата во Германија. Борусија Дортмунд со пораз од 2-1 си оди од кај Фрајбург.
Халанд и другарите не успеаја да одолеат на нападите на мотивираните домаќини, па со празни раце се враќаат во Дортмунд.
Грифо уште на стартот, во 6. минута ги донесе домашните во водство.
Во 53 минута Салаи со нов шок за „милионерите“ на семафорот веќе е 2:0.
Гостите во „жолто-црна“ комбинација благодарение на автоголот на Кеитл стигнаа до 2-1, но тоа беше се во 90-те минути.
Иако Борусија имаше речиси 70% посед на топката, упатија само два удари во рамките на голот на Фрајбург.
Во Берлин, екипата на Херта беше непријатно изненадена од тимот на Волфсбур, загубија со 2-1.
Сепак, Херта беше таа што прва поведе. Во 60. минута Лукебакио носи предност од 1-0 за клубот од главниот град.
Во 74 минута Баку носи израмнување, а погодокот вреден три бода за Волфсбург беше дело на Нмеча во 88 минута.
Волфсбург со 2 победи во првите два меча е лидер на табелата во Бундеслигата.
На останатите три бундеслигашки дуели кои започнаа во истиот термин, Бохум на свој терен со 2-0 го совлада Мајнц, Гројтер Фурт и Арминија Билефилд ремизираа 1:1.
На мечот во Франкфурт, фаворитот Ајнтрахт и тимот на Аугсбург одиграа без голови, 0:0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.