Спорт
Борусија Дортмунд ќе мора без Белингем во мечот за освојување на титулата?

Тренерот на лидерот во германскиот фудбалски шампионат, тимот на Борусија Дортмунд, Един Терзиќ, изјави дека настапот на англискиот репрезентативец Џуд Белингем, кој се мачи со повреда на коленото, на саботниот натпревар против Мајнц во последното коло од Бундеслигата сѐ уште е неизвесен. Борусија би можела да ја освои првата титула шампион на Германија по 11 години, околку стигне до триумф.
Белингем не играше ниту пред четири дена во победата од 0:3 против Аугсбург, со која Борусија Дортмунд го презеде врвот на табелата со два бода повеќе од второпласираниот Баерн, кој освои 11 титули по ред во германскиот шампионат.
„Џуд успеа да ги засили тренинзите овие денови, што е добар знак. Дефинитивно сакаме тој да биде вклучен во тимот за сабота. Меѓутоа, последниот збор ќе го имаат лекарите“, изјави Терзиќ.
Саботниот натпревар против Мајнц би можел да биде последен во дресот на Борусија Дортмунд за 19-годишниот Белингем, со оглед дека за него е заинтересиран Реал Мадрид.
Белингем оваа сезона настапи на 31 натпревар за Борусија Дортмунд во Бундеслигата и постигна осум гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на приказната, Тадиќ нема да ја засили Црвена звезда

Душан Тадиќ нема да ја засили Црвена звезда, кариерата ќе ја продолжи во странство.
Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.
Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.
Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.
Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.
Можно е Тадиќ да замине во Саудиска Арабија.
Спорт
Ненадејно почина Жорге Кошта, легендарниот капитен и икона на Порто

Почина Жорге Кошта (53), поранешен португалски фудбалер и легендарен капитен на Порто.
Во сино-белиот дрес, тој освои осум титули во лигата, Лигата на шампионите и Интерконтиненталниот куп, а со репрезентацијата беше светски шампион до 20 години.
Информацијата за смртта ја потврди болнички извор, јавува португалското радио „Ренасенса“.
Според болницата „Сао Жоао“, Коста „доживеал кардиореспираторен застој во одделот за итни случаи и бил прогласен за мртов“. Поранешниот фудбалер доживеал срцев удар во 2022 година и бил подложен на катетеризација.
„Во текот на својот живот, на теренот и надвор од него, Жорге Кошта ги отелотворувал вредностите што го дефинираат ФК Порто: посветеност, лидерство, страст и непоколеблив победнички дух. Тој ги обележа генерациите навивачи и стана најголем симбол на клубот“, се вели во соопштението. „Никогаш нема да бидш заборавен, капитене“, соопшти клубот.
Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.