На социјалните мрежи се појави интересно видео во кое Роберт Просинечки, поранешниот хрватски фудбалер и ексселектор на Босна и Херцеговина, лесно го дрибла големиот Диего Марадона, покажувајќи дека имаше талент со кој можеше да постигне многу.

Просинечки беше најдобар како фудбалер на Црвена звезда со која во 1991 година стана европски шампион и доби договор со Реал Мадрид, каде што помина четири сезони, пред да потпише за Барселона. Подоцна, тој помина уште една сезона во Севилја, пред да се врати дома.

На социјалните мрежи во поранешна Југославија, стана популарно видеото во кое се покажува како Просинечки, во дресот на Реал успева лесно да го помине Марадона, тогаш во дресот на Севилја.

 

View this post on Instagram

 

Diego Maradona godinama je druge igrače na nogometnim terenima “pravio majmunima”, sve dok nije zaigrao protiv Roberta Prosinečkog u susretu Seville i Real Madrida, koji je onda velikog Diega “napravio majmunom”. Uostalom, pogledajte u video prilogu… Veliki 💛 i Mali 💚

A post shared by Nogometne Ikone (@nogometne_ikone) on May 29, 2020 at 12:22pm PDT

Мајк Тајсон дефинитивно треба да се врати во рингот со некој свој врсник и да не шпекулира со можен меч со Тајсон Фјури, вели поранешниот двократен светски шампион Дејвид Хеј, кој предупредува дека 53-годишниот Американец ризикува сериозна повреда ако влезе во рингот со помлад боксер.

Враќањето на Тајсон подолго време ги забавува боксерските фанови, кои беа изненадени од неговата физичка трансформација по најавата за враќање во неколку егзибициски мечеви, а листата на потенцијални противници секој ден станува пдолго. Ивандер Холифилд, Шенон Бригс, Луиз Ортиз, Вандерлеи Силва, Тито Ортиз, но и ВБЦ шампионот Тајсон Фјури изјавија дека би биле подготвени да се борат со легендата.

Хеј вели дека не е проблем што Тајсон се враќа меѓу јажињата, но дека мора да избере противник по мерка.

„Тој треба да си најде противник со слична возраст. Не е проблем да боксува со Холифилд, Ридик Боув, Херби Хајд… Но, немој да се обидува да оди во 12 рунди од по три минути. Се работи за истите боксери, но годините се тука и тие не се брзи ниту експлозивни. Не ми се допаѓа идејата помлад боксер да влезе во ринг со некој кој е далеку од својата најдобра форма. Има многу начини да бидеш повреден. Како би изгледало некој како Ентони Џошуа или Тајсон Фјури да боксува со некој во своите 50-ти години? Страшно, нели? Парите се тука, но и можноста да добиеш сериозна повреда. Најдобриот Мајк Тајсон би можел против сите, но тој е 30 години од денеска“, вели 39-годишниот Хеј, кој се повлече од боксот по двата порази од Тони Белју во 2018 година.

Пари Сен-Жермен, конечно, донеле одлука и го направиле трансферот на аргентинскиот напаѓач Мауро Икарди постојан за 57 милиони евра, тврди италијанскиот извор „Скај спорт Италија“.

Според Џанлука ди Марцио и Фабрицио Романо, двајца новинари кои се добро запознаени со ситуацијата во Интер, тврдат дека ПСЖ ќе плати 50 милиони евра плус 7 милиони евра во бонуси кои лесно ќе се достигнат. Францускиот клуб имаше опција да го купи Икарди директно за 70 милиони евра, но Интер се согласиле за „попуст“ поради кризата со корона вирусот.

Договорот треба да се потврди наскоро и ќе биде прва зделка на двата клуба за следната сезона . 26-годишниот поранешен капитен на „нераѕурите“ беше пратен на позајмица во ПСЖ минатото лето откако прво долго траеше конфликтот со претходниот тренер Лучано Спалети, а потоа ниту Антонио Конте не го сакаше во тимот.

На „Паркот на принцовите“, Икардо се снајде одлично, постигнувајќи 20 гола во 31 настап пред сезоната во францускиот шампионат да биде прекинат, а ПСЖ да биде прогласен за шампион. Богатиот клуб, сепак, би требало да игра до крајот на сезоната, бидејќи се пласираа во четврт-финалето на ЛШ со елиминацијата на Борусија Дортмунд.