Спорт
Бразил со прв трофеј на Копа Америка по 12 години (видео)
Бразил по деветти пат стана шампион на Копа Америка, откако на преполната „Маракана“ со 3:1 го совлада Перу во меч одбележан со чудниот троен успех на несомнено најдобриот фудбалер на „селесао“ на шампионатот, Габриел Жесус, кој имаше гол, асистенција, но и црвен картон.
За Бразил ова е прва титула на Копа Америка од 2007 година и деветта во историјата, со што остануваат трета најуспешна репрезентација на континенталното натпреварување зад Уругвај (15 титули) и Аргентина (14 титули). Перу одеше на трета титула од Копа Америка и прва од далечната 1975 година.
Бразилците бргу стигнаа до водство откако во 15. минута, Габриел Жесус одлично го пронајде напаѓачот на Гремио, Евертон за лесно водство. По повеќе пропуштени шанси на „селесао“, ,Перуанците добија шанса да се вратат во игра во 44. минута, кога беше досуден пенал за играње со рака во шестнаесетникот, а капитенот Паоло Гереро го совлада Алисон Бекер за прв гол кој го примиле Бразилците на шампионатот.
Сепак, напаѓачот на Манчестер сити, Жесус врати пред финишот на полувремето, со убав гол, негов трет на шампионатот. Но, за малку, наместо херој тој ќе беше трагичар, кога по еден воздушен удар го искористи лактот и во 70. минута доби втор жолт картон и ги остави соиграчите со играч помалку.
Печат на победата стави Ришарлисон, со уште еден гол од белата точка во 88. минута за да почне прославата на „Маракана“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.