Спорт
Бразилците максимални во квалификациите
Бразил го победи Еквадор со 2:0, во петтото коло од квалификациите за пласман на Светското првенство во Катар. Бразил со максимални 15 поени ја предводи табелата, 11 има Аргентина, девет Еквадор, по седум Уругвај, Парагвај и Колумбија.
Во Порто Алегре, одбраната на Еквадор успеа да ја сочува својата мрежа до 65.минута. Резултатот го отвори Ришарлисон, по додавањето од Нејмар.
Во 95.минута, судијата долго ја гледаше снимката, по што реши да досуди пенал за Вразил, од кој Нејмар го постави конечниот резултат. Нејмар од вториот обид го совлада голманот на Еквадор. Ѕвездата на Бразил го промаши првиот пенал, но судијата пресуди дека голманот пред време ја напуштил гол линијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хајдук загуби од Риека по утнатиот пенал во 95. минута, Торцида се сврте против играчите!
Риека во драматичното дерби на 20. коло на хрватската лига успеа да стигне до 2:1 победа над Хајдук на „Пољуд“ за да се врати во борба за европски пласман, додека „билите“ не го искористија киксот на Динамо Загреб и останаа на осум поени заостанување зад „модрите“ и тоа со меч повеќе.
Риека дојде во водство во 65. минута со голот на Ампемо, пред во 84. минута, Фриган да зголеми на 0:2. Тогаш почна драмата – Марко Ливаја во 91. минута со гол од пенал намали на 2:1, за во 96. минута повторно да биде досуден пенал за Хајдук, но овојпат тој не успеа да го реализира пеналот за незгоден пораз.
По крајот на мечот, навивачката група на сплитскиот клуб беше очигледно незадоволна, скандирајќи им да ги соблечат дресовите бидејќи не заслужуваат да ги носат.
Спорт
Баерн со победа кај Волфсбург во трилерот со шест гола

Баерн Минхен експресно се врати на врвот на табелата, поминувајќи ги Унион Берлин, откако стигнаа до импресивна 4:2 победа на гостувањето кај Волфсбург во 19. коло во Бундеслигата.
Баварците имаа атомски старт и во првите 19 минути од мечот направија предност од 0:3. Кингсли Коман го отвори резултатот уште во 9. минута, за во 14. минута да постигне прекрасен гол по асистенција на новото засилување Жоао Кансело, а Томас Милер во 19. минута најави голема победа на гостите.
Сепак, Волфсбург вратија еден гол преку Јакуб Камински во 44. минута, пред да добијат и теренска предност во 54. минута по вториот жолт картон и исклучувањето на Џошуа Кимих. Но, и со 10 играчи, Баерн го зголемија водството преку Џамал Мусијала во 73. минута од мечот, пред Матијас Сванберг во 82. минута да ги постави конечните 2:4.
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-42-42268”));
Спорт
Хери Кејн рекордер, Сити „падна“ под Тотенхем!

Манчестер сити не успеа да го искористи „киксот“ на Арсенал против Евертон за да се доближи до лидерот на табелата во Премиерлигата, откако загубија на гостувањето кај Тотенхем со 1:0, останувајќи на пет поени зад „топчиите“.
Клучен човек, како многупати во историјата, за Тотенхем, без Антонио Конте на клупата, беше Хери Кејн, кој во 15. минута од мечот ја искористи грешката на младиот дефанзивец на Сити, Рико Луис, за да го забие својот 367. гол во дресот на лондонскиот клуб, така поминувајќи го рекордот на Џими Гривс. Покрај тоа, Кејн е само третиот фудбалер во историјата на Премиерлигата со 200 постигнати голови, по Вејн Руни (208) и Алан Ширер (260).
По ова водство, Тотенхем ги издржаа сите напади на Манчестер сити, на кои не им помогна ниту вториот жолт картон на Кристијан Ромеро во финишот на мечот. Спарс со победата остануваат на петтото место на табелата со 39 поени, сега само еден поен зад четвртопласираните Њукасл.
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-1-41886”));