Челзи имаше амбиции да го ангажира Кенан Јилдиз, но ЈУвентус ја одби понудата од „Стенфорд Бриџ“.

Клубот од Лондон беше активен во преодниот рок, не штедеше пари, а Кенан Јилдиз исто така беше во плановите на „сините“.

Еден од најдобрите играчи на Јувентус беше мета на Челзи, во Торино стигнала понуда од 70.000.000 евра, пишува „Калкомеркато“.

„Старата дама“, ги одби тие пари и покажа дека смета на турскиот ас на долг рок, а извештајот го покажува и планот за продолжување на неговиот договор до 2030 година, со зголемување на платата.

Откако беше промовиран во првиот тим на Јувентус, Јилдиз брзо се етаблираше и стана незаменлив член на стартната постава.

Foto/ EPA

Новата сезона на фудбалската Лига на шампиони започнува вечерва, по втор пат во новиот формат што беше воведен минатата година, а титулата ја брани Пари Сен Жермен.

Во мај, ПСЖ ја освои својата прва титула во историјата со победата над Интер 5:0 во финалето, што е најубедливата победа во финалните натпревари во историјата на елитното натпреварување.

Патот на Парижаните, сепак, беше далеку од лесен, бидејќи беа блиску до елиминација во неколку наврати во првата фаза од натпреварувањето. Токму такво сценарио сакаше УЕФА со воведувањето на промената на форматот.

Наместо осум групи со по четири екипи, воведена е лигашка фаза со 36 екипи. Секој клуб игра осум натпревари против ривали од четири различни шешири, што носи повеќе директни дуели меѓу европските гиганти веќе во првата фаза. Така, Реал Мадрид ги доби Ливерпул и Манчестер Сити, додека ПСЖ игра против Барселона и Баерн.

Минатата сезона, Брест и Бриж се пласираа во плејофот, додека Јанг Бојс и Слован Братислава останаа без бодови.

Првите осум екипи по лигашката фаза одат директно во осминафиналето, а следните 16 влегуваат во плејофот. Натпреварувањата оваа сезона се отвораат со дерби натпревари, Челзи, новиот светски шампион, гостува кај Баерн, ПСЖ игра против Аталанта, Ливерпул го пречекува Атлетико Мадрид, додека во четврток Њукасл ќе игра против Барселона, а Манчестер Сити против Наполи.

Новата Лига на шампиони има буџет од дури 2,5 милијарди евра. Од тоа, секој учесник првично добил 18,6 милиони евра, што е вкупно 670 милиони евра или 27,5 проценти од буџетот.

Дополнителни 35 проценти, или 835 милиони евра, се поделени врз основа на маркетингот и историскиот рејтинг на клубовите. Што се однесува до распределбата на средствата според бројот на освоени бодови, таа изнесува 914 милиони евра или 37,5 проценти.

Освоен бод носи 700 илјади евра за секој клуб, а победа 2,1 милион евра. Пласманот понатаму обезбедува уште еден милион евра, осминафиналето дополнителни 11 милиони, четвртфиналето 12,5 милиони, полуфиналето 15 милиони и финалето 18,5 милиони евра.

Победникот добива уште 6,5 милиони евра, а со триумфот му се загарантирани и дополнителни 4,5 милиони евра за настап во Европскиот Суперкуп.

Финалето на Лигата на шампионите е закажано за 30 мај 2026 година на Пушкаш Арената во Будимпешта.

Лига на шампиони, 1. коло

Вторник:

18.45 Атлетик Билбао – Арсенал
18.45 ПСВ – Унион Сент Жилоа
21:00 Јувентус – Борусија Дортмунд
21.00 Реал – Олимпик Марсеј
21.00 Бенфика – Карабаг
21.00 Тотенхем – Виљареал

Среда:

18.45 Олимпијакос – Пафос
18.45 Славија Прага – Боде/Глимт
21:00 Ајакс – Интер
21:00 Баерн – Челзи
21:00 Ливерпул – Атлетико Мадрид
21.00 ПСЖ – Аталанта

четврток:

18.45 Клуб Бриж – Монако
18.45 Копенхаген – Баер Леверкузен
21:00 Ајнтрахт Франкфурт – Галатасарај
21:00 Манчестер Сити – Наполи
21:00 Њукасл – Барселона
21.00 Спортинг Лисабон – Каират

Фудбалерите на Србија нема да ја пречекаат Албанија во Белград во квалификациите за Светското првенство што ќе се игра во 2026 година.

На веб-страницата на УЕФА се појави официјална информација дека Србија нема да биде домаќин на албанските фудбалери во Белград, наведено е дека натпреварот ќе се одигра на стадионот „Дубочица“ во Лесковац. Капацитетот на овој стадион е околу 8.000 места.

Првично беше планирано натпреварот да се игра во Белград, но потоа Фудбалскиот сојуз на Србија побара да се премести во Лесковац, што и УЕФА го прифати и потврди, како што објавија и Албанците.

„По средбата со Англија во Белград, одлуката за промена на локацијата беше донесена врз основа на детални анализи на сите аспекти поврзани со организацијата на спортски настан со висок ризик како што е претстојниот дуел со Албанија.

Клучната причина е безбедноста. Не само публиката, туку пред сè играчите и сите други актери во играта. Ваквата средба носи највисок степен на ризик и бара целосна контрола со цел да се спречат инциденти како што веќе имавме можност да видиме во дуелите на овие два тима. Сите добро ги паметиме настаните и последиците од Белград во 2014 година“, се вели меѓудругото во соопштението што го објави Фудбалскиот сојуз на Србија.

Овој натпревар ќе се игра на 11 октомври.

foto/ EPA