Спорт
Брејк на Голден стејт, победа ги дели од пласман во големото финале
Голден стејт Вориорс направија брејк во Далас и стигна на победа до пласман во големото финале, во НБА лигата. Вориорс, во третиот натпревар, ги победија Маверикс со 109:100.
Првото полувреме помина во изедначена игра, а Вориорс стекнаа предност од три поени. Далас најдобриот период од играта го имаа во втората четвртина, во еден момент имаа и девет поени предност. Сепак, на полувреме Вориорс имаа поен предност.
Одлуката, околу конечниот победник падна во третиот квартал. Голден Стејт ја засилија одбраната и постепено ја зголемуваа разликата. Во самиот финиш од третата четвртина имаа плус 14, а во последните 12 минути влегоа со плус 10.
Лука Дончиќ „експлодираше“ во последната четвртина. Во овој период постигна половина од своите 40 поени, но Далас не успеа сериозно да ја загрози предноста на Вориорс. Најблиску се доближија на минус пет, на 75 секунди до крајот кога Динвиди погоди тројка, но Пул возврати со иста мерка и потоа практично се беше решено.
Стеф Кари беше најефикасен во победничкиот тим со 31 поен, а придодаде и пет скока и 11 асистенции. Најблиску до него беше Ендрју Вигинс со 27 поени и дури 11 скока. Канаѓанецот одигра одлична одбрана против Дончиќ во првите три четвртини. Клеј Томпсон мечот го заврши со 19 поени.
Дончиќ постигна 40 поени со 11 скока и три асистенции. Ефикасни беа и Спенсер Динвиди со 26 и Џејлен Бренсон со 20 поени.
Во Далас, ноќта меѓу вторник и среда, во три часот по полноќ се игра четвртиот натпревар од финалето на Западната конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.