Спорт
Брејк на Вориорс во Сакраменто, Мемфис славеа против ЛА Лејкерс
Голден стејт Вориорс направија брејк во Сакраменто и дојдоа до предност 3:2. Идентичен резултат е и во серијата меѓу Мемфис Гризлис и ЛА Лејкерс.
Голден стејт Вориорс со два порази ја започнаа серијата против Сакраменто Кинг, во наредните три натпревари актуелните шампиони забележаа исто толку порази. Откако во претходните два натпревари го одбранија домашниот терен, изминатата ноќ, Вориорс направија брејк во Сакраменто.
Ворирос славеа во Сакраменто со 123:116, Голден стејт го предводеа Стеф Кари постигна 31 поен, Клеј Томпсон 25, а Дрејмонд Грин кој го започна натпреварот на клупата имаше 21 поен, седум асистенции и четири украдени топки. Вориорс следниот натпревар го играат на домашен терен.
По два последователни порази, Мемфис Гризлис успеаја да ги совладаат Лос Анџелес Лејкерс и да го намалат водството во серијата на 3:2. Петтиот натпревар заврши со резултат 116:99. Дезмонд Бејн го предводеше Мемфис со 33 поени, а Џа Морант постигна 31.
Кај Лејкерси најдобар беше Ентони Дејвис со 31 поен. Леброн Џејмс имаше лоша шутерска вечер, погоди само пет од 17 удари од поле и една од девет тројки. Лејкерси ќе имаат шанса да ја затворат серијата на домашен терен во следниот натпревар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина легендарниот Бил Волтон
Легендарниот центар, член на Куќата на славните, е роден на 5 ноември 1952 година во Калифорнија. За време на неговата колеџ кариера играше за Универзитетот Ју-Си-Ел-Еј.
Бил Волтон пристигна во Портланд Трејл Блејзерс како прв пик на драфтот во 1974 година. Во текот на кариерата играше за Портланд, Лос Анџелес Клиперс, Бостон Селтикс.
Тој беше двократен шампион НЦАА шампион и двократен шампион во НБА (по една титула освои со Портланд и Бостон).
Волтон беше МВП на финалната серија во 1977 година во дресот на Портланд.
Двапати учествуваше на Ол-стар натпреварите, освои многу индивидуални награди, беше најдобар шести играч во НБА, најдобар во скокови и блокади.
Својата НБА кариера ја заврши со просек од 13,3 поени, 10,5 скока и 3,4 асистенции по натпревар.
Спорт
Емери го продолжи договорот со Астон Вила
Менаџерот на Астон Вила, Унаи Емери, потпиша нов петгодишен договор со клубот од Бирмингем. Шпанецот ќе остане на „Вила парк“ до 2029 година.
По фантастичната сезона во Премиер лигата, Астон Вила обезбеди пласман во Лигата на шампионите следната сезона, а голема заслуга за тоа има шпанскиот тренер.
Унаи Емери (52) пристигна на „Вила Парк“ од Виљареал во октомври 2022 година, кога клубот беше на 17. место во Премиер лигата. Во истата сезона ги предводеше до седмото место, а оваа сезона ја заврши на четвртата позиција зад Манчестер сити, Арсенал и Ливерпул.
Поранешниот менаџер на Севилја, ПСЖ и Арсенал оваа сезона ја одведе Астон Вила до полуфиналето на Конференциската лига во првата европска кампања на клубот од Бирмингем по 13 години.
Спорт
Фабрицио Романо: Челзи има нов тренер
Енцо Мареска (44) наскоро ќе го преземе Челзи, пренесува трансфер инсајдерот Фабрицио Романо. Мареска, пред две недели го врати Лестер во Премиер лигата, а Романо пренесува дека веќе ја прифатил понудата од „Стенфорд Бриџ“.
Италијанецот ќе потпише двегодишен договор со опција за продолжување на уште една година. Остануваше уште клубовите да се договорат околу обесштетувањето. Челзи сака Мареска да го преземе тимот уште оваа недела.
Ова е трета самостојна работа на Мареска на сениорско ниво, откако претходната сезона беше дел од стручниот штаб на Пеп Гвардиола во Манчестер сити, каде придонесе за освојување на тројната круна.
Претходно раководеше со У-23 тимот на Сити, од кој замина во Парма, но таа епизода беше неуспешна, па набрзо повторно се врати во стручниот штаб на Гвардиола.
Како фудбалер кариерата ја градеше во ВБА, Јувентус, Болоња, Пјаченца, Фиорентина, Севилја, Олимпијакос, Малага, Сампдорија, Палермо и Верона. Тој се пензионираше пред шест години.