Спорт
Брилијантниот Дончиќ израмни рекорд стар 60 години
Лука Дончиќ продолжува да доминира на стартот од сезоната во НБА. Словенецот во победата на Далас над Јута 103:100 израмни рекорд стар 60 години.
Дончиќ против Јута постигна 33 поени, забележа и 11 асистенции. Дончиќ на вечната листа се израмни со легендарниот Вилт Чембрлен, како првиот играч по него кој постигнал 30 или повеќе поени на првите седум меча од сезоната.
Тој е само третиот играч во историјата кој успеал да направи такво нешто.
Luka Dončić just became the first player since 1962-63 — and only the third player in @NBA history — to record 30+ points in each of the first 7 games of the season.
Jack Twyman, 1959-60
Wilt Chamberlain, 1959-60
Wilt Chamberlain, 1962-63
*Luka Dončić, 2022-23 pic.twitter.com/BWD7vegGCB— Mavs PR (@MavsPR) November 3, 2022
„Не знам што да кажам. Секогаш се трудам да победам. Оној што ќе постигне повеќе поени мора да победи. Мислам дека овој пат одиграв еден од подобрите натпревари, не се форсирав толку многу. Ги делев топките, играв преку моите соиграчи“, рече Дончиќ.
Во тимот на Далас, покрај Дончиќ се истакнаа Кристијан Вуд со 21 поен и десет скока, односно Спенсер Динвиди со 20 поени, четири скока и пет асистенции.
Кај Јута најефикасен беше Џордан Кларксон со 22 поени, додека Колин Секстон додаде 19 поени.
Резултати:
Кливленд – Бостон 114:113
Мајами – Сакраменто 110:107
Њујорк – Атланта 99:112
Чикаго – Шарлот 106:88
Хјустон – ЛА Клиперс 101:109
Милвоки – Детроит 116:91
Сан Антонио – Торонто 100:143
Далас – Јута 103:100
Портланд – Мемфис 106:111
ЛА Лејкерс – Њу Орлеанс 120:117
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ФА го поништи црвениот картон на Бруно Фернандеш
Манчестер јунајтед, во неделата, доживеа дебакл на домашен терен од Тотенхе (0:3). Јунајтед целото второ полувреме го одигра со играч помалку. Капитенот Бруно Фернандеш доби директен црвен картон.
Клубот веднаш се жалеше на оваа одлука, а информациите од Англија говорат дека Фудбалската асоцијација (ФА) ја првифатлиа жалбата.
Капитенот на Јунајтед првично требаше да ги пропушти натпреварите против Астон Вила, Брентфорд и Вест Хем, но Ерик Тен Хаг сепак ќе го има на располагање еден од најдобрите играчи во тимот.
Ваквата одлука само донесе повеќе критики на сметката на англиските судии кои постојано се на удар за лоши одлуки и критериуми кои не се исти за сите тимови.
Спорт
(Видео) Спарта освои бод во Штутгарт, Брест го нокаутира Салцбург
Два натпревари, во Салцбург и Штутгарт го отворија второто коло во Лигата на шампионите. Штутгарт против Спарта Прага одигра 1:1, а Брест го декласира домаќинот Салцбург со 4:0.
Штутгарт не успеа да ја ја запише првата победа сезонава во ЛШ. Спарта излезе со јасна цел на теренот и успеа да ја оствари. Чената на Себастијан Хенес изврши силен притисок кон голот на Спарта во последните 30 минути, но нез резултат.
„Швабите“ поведоа во раната фаза на натпреварот, во седмата минути Мијо постигна гол. Изедначи Финецот Каиринен во 32,минута. Во финишот на првиот дел Спарта можеше да направи целосен пресврт, но гредата беше сојузник на Нибел, по ударот на Бирманчевиќ.
Ниту најголемите оптимисти не очекуваа дека Брест ќе стартува со две победи во деби настапот во Лигата на шампионите. Во редовите на францускиот тим сега можат да размислуваат и за пласман во плејофот (пласман од 9. до 24 место).
На гостувањето во Салцбург првиот гол за „пиратите“ го постигна Сима во 24.минута. Салцбург се обидуваше, напаѓаше но без конкретна завршница. Потоа следуваше блиц-криг на гостите кои од 66. до 75.минута постигнаа три гола.
Сима втор пат на натпреварот погоди во 66.минута, Камара зголеми на 0:3 шест минути подоцна, а во 75.минута Лаж ги постави конечните 0:4.
Спорт
Страшна вест од Шпанија: Ле Норман има потрес на мозокот!
Фудбалерот на Атлетико Мадрид, Робин Ле Норман заработи повреда на мозокот од удар што го доби на натпреварот против Реал Мадрид, соопштија од клубот.
„Робин Ле Норман доживеа тежок удар во главата во последните минути од дербито во Мадрид, беа извршени низа тестови и проценки од страна на специјалисти и тие утврдија дека има трауматска повреда на мозокот“, се вели во соопштението на Атлетико Мадрид.
Во соопштението за медиумите се наведува дека опоравувањето на шпанскиот дефанзивец и неговото враќање во тимот ќе се изврши според насоките од предвидениот протокол за ваков тип на повреда.
Ле Норман (27) летово дојде во Атлетико Мадрид од Реал Сосиедад, откако со репрезентацијата на Шпанија го освои Европското првенство во Германија.
Тој ги одигра сите натпревари за Шпанија на овогодинешното Европско првенство, почнувајќи од пет натпревари.