Светската фудбалска федерација (ФИФА) не им прости на Србија и на Хрватска, казнувајќи ги финансиски за националистичките испади на Мунијалот во Катар. Хрватска е казнета со 50.000 швајцарски франци за однесувањето на своите навивачи кон канадскиот голман со српско потекло, Милан Борјан.

Борјан е роден во Книн, Хрватска, но неговото семејство избегало за време на војната во ова земја во 1990-тите.

„Хрватскиот фудбалски сојуз е казнет со 50.000 швајцарски франци за прекршување на членот 16. од дисциплинскиот кодекс на ФИФА – користење на зборови и предмети за пренесување на порака која не е прикладна на спортско натпреварување во текот на мечот против Канада“, објави ФИФА.

Србија, пак, доби помала казна од 20.000 швајцарски франци за прекршување на членот 11 на дисциплинскиот кодекс и правилникот на СП 2022 во „врска со истакнатото знаме во соблекувалната по мечот со Бразил“. По поразот од 2:0 во српската соблекувална имаше знаме со мапа на Косово во боите на српскот ознаме со порака: „Нема предавање“.

На крајот, казна добија и во Саудиска Арабија од 15.000 швајцарски франци поради недоличното однесување на нивните фудбалери.

Асоцијцијата на тениски професионалци (АТП), машката професионална тениска турнеја ја казни британската Асоцијација за тенис на трева (ЛТА) со 1 милион долари откако оваа година тие и покрај советите од АТП и ВТА решија да не им дозволат настап на руските и белоруските натпреварувачи поради војната во Украина. Преостанатите два гренд слема, Ролан Гарос и САД опен во Њујорк не се решија на ваков потег.

„ЛТА е разочарана од овој факт, бидејќи АТП не ги зеде во предвид исклучителните околности од руската инвазија на Украина, како и одговорот од интернационалната спортска јавност и британската влада“, се вели во соопштението на ЛТА.

Јувентус продолжуваат со планирањето на промените во раководната структура на клубот и покрај потенцијалните финансиски и спортски казни кои ги очекуваат, и дел од тој план е враќањето на Бепе Марота на директорска позиција, тврди „Ла република“.

65-годишниот Марота осум години беше генерален директор на Јувентус, од 2010 до 2018, помагајќи Андреа Ањели да го крене клубот на врвот во Италија, но по неговото заминување по наводниот конфликт со Ањели, почнаа проблемите во Торино. Според „Ла република“, Јуве ќе се обидат да го ангажираат Марота да го предводи тимот во ерата „пост-Ањели“, но нема да биде лесно да го убедат, бидејќи тој има договор со Интер до 2025 година, и неодамна изјави дека тоа ќе биде неговиот последен клуб.

Сепак, тој има блиски односи со тренерот Масимилијано Алегри, и има поинаков концепт од неговиот наследник, Фабио Паратичи, комплетирајќи бесплатни трансфери како тие на Пол Погба и Андреа Пирло.

Repubblica – La Juve valuta un clamoroso ritorno: la tentazione è affidarsi a Marotta https://t.co/2OP8fIpZrk

— TUTTOmercatoWEB (@TuttoMercatoWeb) December 7, 2022