Спорт
Бугарите мотивирани: Респект за Македонија, но сакаме победа

Топспорт во Разград, Бугарија
Никола Ѓуровски
Фудбалската репрезентација на Македонија утре (18 часот) во Разград го почнува новиот циклус во Лигата на нации. Противник е селекцијата на Бугарија, нашиот источен сосед со кој имаме мноху несогласувања во последниот период за политички прашања. Но, фудбалски, Македонија има максимален респект. Тоа го потенцираа и селекторот Јасен Петров и капитенот Кирил Десподов.
Селекторот Петров истакна дека фудбалот е игра која ги спојува луѓето од целиот свет.
„Имаме мали проблеми со тимот, но веќе решивме како ќе играме. Морам да кажам дека максимално ја респектираме Македонија. Фудбалот е спорт што сите ги спојува. Нема да коментирам како политичар, се надевам на фер-плеј и верувам во победа. Македонија е можеби фаворит, но се ќе се решава на натпреварот. Секако, ние сакаме да победиме и би сакал да имаме поддршка од трибините“, изјави селекторот на Бугарија, Јасен Петров.
Капитенот Кирил Десподов го пренесе оптимизмот што владее во бугарскиот национален тим.
„Подготвени сме за утрешниот натпревар и мислам дека имаме големи шанси за триумф. Но, треба да ја оствариме победата на теренот. Мислам дека ќе победи помудриот, дека мораме да останеме смирени и да размислуваме само фудбалски. Веруваме дека имаме квалитет да ја победиме Македонија“, изјави Кирил Десподов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.