Спорт
Бура во Италија: Дали ВАР му „украде“ победа на Јувентус против Салернитана?
![](https://makfax.com.mk/wp-content/uploads/2022/09/var-juve.jpg)
Јувентус и Салернитана ремизираа 2:2 во неверојатно драматичен меч од шестото коло од Серија А. Гостите на полувремето водеа со 0:2 со головите на Антонио Кандрева во 18. минута и Кшиштоф Пјонтек, а Јувентус се врати во второто полувреме.
Глејсон Бремер погоди во 51. минута за 1:2, а потоа следуваше неверојатен финиш, Леонардо Бонучи израмни во 93.минута по одбиена топка од нереализиран пенал.
Две минути подоцна Јувентус и поведе со голот на Аркадиуш Милик по корнер. Милик го прослави голот со соблекување на дресот, за што доби втор жолт картон од судијата Матео Марсенаро и беше исклучен.
Тогаш на сцена стапи ВАР. Имено, при ударот со глава на Милик, Леонардо Бонучи се најде во задниот дел од каде му пречеше на голманот на Салернитана, Сепе. И навистина, кога беше повлечена линијата, Бонучи беше во недозволена позиција за неколку сантиметри.
Milik: “Speechless.” [IG] #juvelive pic.twitter.com/zCKWlQMO1K
— Forza Juventus (@ForzaJuveEN) September 11, 2022
Сепак, најновото видео покажува дека италијанските судии брутално згрешиле. Не го виделе Антонио Кандрева од Салернитана, кој е најблиску до голманот.
По ова бура од играчите на Јувентус на социјалните мрежи. Милик напиша дека останал без зборови, а Хуан Куадрадо истакна дека се случил голем срам.
Тренерот на Јувентус, Масимилијано Алегри, едвај можеше да се смири по натпреварот.
„Жал ми е само затоа што сакавме да ја видиме сликата на која се гледа Кандрева од нашиот агол. Не можете да ја видите на сликите што ни ги дадоа на теренот“, изјави Алегри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Нема потреба од операција – Мбапе ќе игра со специјална маска
![](https://makfax.com.mk/wp-content/uploads/2024/06/12307027.jpg)
Франција скапо ја плати победата над Австрија (1:0), во првиот натпревар на Европското првенство.
Капиенот, Килијан Мбапе ќе мора да оди на операција на носот. Новиот напаѓач на Реал Мадрид се повреди во финишот на натпреварот со Австрија.
Мбапе во обид да упати удар со глава, со носот удри во рамото на Кевин Данс, по што остана да лежи.
Му беше укажана лекарска помош, а набрзо местото на теренот му го отстапи на Оливие Жиру.
Иако првичните прогнози сугерираа дека тој е под знак прашалник за остатокот од турнирот, вестите од Франција велат дека е можно, иако не е веројатно, тој да игра во петок против Холандија.
Мбапе веднаш по натпреварот бил на прегледи во болницата во Дизелдорф.
„Мбапе се враќа во кампот на француската репрезентација. На францускиот капитен му помогнаа медицинскиот персонал и докторот Франк Ле Гал, кој ја констатирал скршеницата.
Мбапе ќе се лекува неколку дена, но нема да оди на операција во блиска иднина. Ќе му биде направена маска за да може да се врати на турнирот по третманот“, се вели во соопштението на Фудбалскиот сојуз на Франција.
Следниот натпревар Франција го игра против Холандија на 21 јуни од 21 часот во Лајпциг.
Спорт
(Видео) Бостон Селтикс ја освоија НБА титулата – Браун МВП
![](https://makfax.com.mk/wp-content/uploads/2024/06/12307305.jpg)
Кошаркарите на Бостон Селтикс во вторникот рано наутро по средноевропско време по 18-ти пат станаа шампиони во НБА. Избраниците на Џо Мазула го совладаа Далас Маверикс со 106:88 во својот „Ти-Ди Гарден“ и со победа од 4-1, до втората титула во овој век.
Интересно, поминаа точно 17 години откако зелените ја освоија 17-та титула. Франшозата од Масачусетс сега и официјално е најуспешната во историјата на НБА, бидејќи е на врвот на „листата на сите времиња“ по бројот на трофеи. Лос Анџелес Лејкерс е втор со 17 трофеи.
Петтиот натпревар како шампион и лидер го одигра Џејсон Тејтум, мечот го заврши со 31 поен (11/24 од поле, 8/8 пенали), 8 скока и 11 асистенции.
Сепак, МВП на финалната серија е неговиот долгогодишен соиграч Џејлен Браун. Во петтиот меч од серијата имаше 21 поен (7/23 од поле, 5/6 пенали), 8 скока и 6 асистенции.
Тоа беше доволно за да му припадне трофејот кој го носи името на легендарниот Бил Расел. Браун, сопственикот на најпрофитабилниот договор во историјата на кошарката (304 милиони долари за пет сезони), во финалната серија бележеше 20,8 поени, 5,4 скока и 5 асистенции по натпревар.
Кај новите шампиони на овој меч се истакнаа Џру Холидеј со 15 поени и 11 скока, Дерик Вајт со 14 поени и 8 скока и Ал Хорфорд со по 9 поени и скокови.
Во поразениот тим Лука Дончиќ се мачеше со 28 поени (12/25 од поле), 12 скока и 5 асистенции, со 7 загубени топки. Кајри Ирвинг, како и речиси во текот на целата финална серија, беше под своето ниво против поранешниот клуб. Ирвинг натпреварот го заврши со 15 поени (5/16 од поле) и 9 асистенции. Џош Грин со 14 поени беше трет најефикасен кај Тексас.
Кога станува збор за петтиот натпревар од серијата и последниот во 78-та сезона во историјата на НБА, немаше резултатска драма.
На полувремето домашните имаа 21 поен предност. Публиката беше во екстаза, а се чини дека најголеми овации доби Кристапс Порзингис, кој поради повреда ги пропушти третиот и четвртиот натпревар од серијата, но во петтиот се врати со ограничена минутажа.
Спорт
Вечерва ќе биде комплетирано првото коло на ЕУРО 2024
![](https://makfax.com.mk/wp-content/uploads/2024/06/Portugal-Group-in-Eurocup-2024.jpg)
Вечерва на Европското првенство ќе биде комплетирано првото коло. За разлика од изминатите денови, кога на програмата имаше по три натпревари, во вторник ќе се одиграат натпреварите во Ф групата.
Програмата ќе биде отоврена во 18 часот на Сигнал Идуна Парк во Дортмунд, каде ќе играат Турција и Грузија. Несомнено е дека Турција практично ќе биде домаќин на оваа средба со оглед на тоа колку дијаспората која ја има оваа земја во Германија.
Турците за противник го имаат дебитантот, не на ЕП туку воопшто на големите натпреварувања. Грузија сите надежи ги полага во ѕвездата на Наполи, Хвича Кварацхелија.
Вториот натпревар од 21 часот ќе го одиграат старите познаници Португалија и Чешка. Средбата во Ред Бул Арената во Лајпциг ќе биде четврта од двете репрезентации на континенталните првенства.
Во претходните три, една победа забележаа Чесите (1996 година), а Португалците победија во 2008 и 2012 година.