Интер Мајами, во кој играат Лионел Меси, Луис Суарез, Серхио Бускетс, Џорди Алба планира летово да го доведе белгискиот играч за врска, 33-годишниот Кевин де Бруине, објавија британските медиуми.

Договорот на Белгиецот истекува на 30 јуни и тој веќе објави дека летово го напушта Манчестер сити каде помина десет години и освои 16 трофеи.

Дејвид Бекам е еден од сосптвениците на американскиот клуб, ќе има силна конкуренција од Саудиска Арабија.

Де Брујне сега мора да одлучи дали ќе ги прифати богатите понуди од Саудиска Арабија, а се зборува за годишна плата од 24 милиони евра или ќе замине во Мајами, која е многу поприфатлива дестинација за него и неговото семејство.

Белгискиот играч за врска постигна 106 гола во сите натпреварувања за Манчестер сити, а имаше и 117 асистенции само во Премиер лигата.

Во историјата на Премиер лигата само еден играч е пред него кога се во прашање асистенциите, а тоа е Рајан Гигс кој собра 162 од нив. За репрезентацијата одигра 109 натпревари и постигна 30 гола, а на СП 2018 во Русија го освои третото место.

Иван Јуриќ повеќе не е тренер на Саутемптон. Хрватскиот стручњак го напушти клубот по 31. коло, откако официјално испадна од Премиер лигата, со најлошиот учинок во историјата на лигата. Хрватот ја активираше клаузулата во договорот која му овозможува заминување, ден откако беше потврдено враќањето на тимот во Чемпионшип.

На Јуриќ му беа доволни само 108 дена на клупата за да влезе во историјата – како најлошиот тренер на Премиер лигата досега, пишува „АС“ во текстот со наслов „Заминување на најлошиот тренер во историјата на Премиер лигата“.

Тој освои само четири поени на 14 натпревари, во просек 0,29 поени по натпревар. Ниту еден друг менаџер кој раководел со клуб најмалку десет кола во ерата на Премиер лигата нема полош просек.

„АС“, дополнително го анализира настапот на Јуриќ.

Претходниот неславениот рекорд го држеше Тери Конер, поранешен менаџер на Вулверхемптон, кој во сезоната 2011/12 во просек освојуваше 0,31 поен по натпревар“.

На 26 декември 2024 година, Јуриќ го наследи Расел Мартин по катастрофалниот почеток на сезоната 2024/25, но резултатите под негово водство се покажаа уште полоши. На 14 натпревари од Премиер лигата, хрватскиот стручњак освои само четири бода, што е дури и помалку од петте бода на Мартин.

Јуриќ оезоната 2024/2025 ќе сака што побргу да ја заборави. Пред Саутемптон доби отказ по само два месеци како тренер на Рома.

Актуелниот шампион Хорхе Мартин ќе се врати на патеката претстојниот викенд на трката за ГН на Катар, потврди Априлија.

Шпанецот беше надвор од патеката од првиот ден од предсезонските тестирања во Малезија, кога заработи фрактура на левата рака и десното стапало. Мартин потоа заработи скршеница на десната рака на неколку дена пред почетокот на сезоната и уште тогаш беше јасно дека нема да може да се врати на патеките пред четвртиот круг од сезоната.

Бранителот на титулата досега ги пропушти трките во Тајланд, Аргентина и САД. На првите две трки победи возачот на Дукати Марк Маркез, а во САД славеше неговиот тимски коелга, Пеко Бањаја.

Априлија, инаку, побарала дозвола Мартин да го тестира овогодинешниот мотоцикл пред да се врати на патеката, но тоа барање било одбиено бидејќи не било во согласност со правилата, но сето тоа започнало преговори за промена на прописите околу враќањето на возачите на патеката по одреден период отсуство.

Мартин беше заменет во првите три трки од сезоната со Лоренцо Савадори, тест возачот на Априлија.

Минатата година Мартин триумфираше во спринтот на патеката „Лусаил“, додека трката Големата награда на Катар ја заврши на третото место.