Незадоволни од потезите што ги влечат клупските челници, навивачите на Евертон, синоќа протестираа пред „Гудисон парк“.

Навивачите барале Надзорниот одбор да замине од клубот. На еден од транспарентите пишувало: „Си го сакаме назад нашиот клуб“. На крајот тие фрлиле боја преку сликата на сопственикот, Бил Кенрајт.

Исто така, јасно го искажале ставот дека не сакаат Португалецот Витор Переира да биде новиот менаџер.

„Не го сакаме Переира, го сакаме Лампард“.

Евертон игра лошо оваа сезона, се наоѓа на 16.место на табелата со само 19 поени. Поради лошите резултати, пред десет дена отказ доби менаџерот Рафа Бенитез.

Андер Ерера го одбил предлогот да се пресели во Тотенхем, во замена за Тангуј Ндомбеле.

Поранешниот играч на Атлетик Билбао и Манчестер јунајтед на Леонардо му соопштил дека во Премиер лигата може да игра само за Манчестер јунајтед и за ниту еден друг клуб.

Ерера, во сезоната 2016/2017, кога Јунајтед го освои Лига купот и Лига Европа, беше прогласен за најдобар играч на „црвените ѓаволи“.

Илајш Мориба, талентираниот играч на Лајпциг, по само шест месеци ќе се врати во Шпанија. Мориба, до крајот на сезоната ќе игра во Валенсија.

Мороба, минатата сезона влезе во првиот тим на Барселона. Шансата која ја доби од Роналд Куман во целост ја искористи. Поради тоа, неговите менаџери бара повеќе пари за новиот договор.

Барселона одби да го направи тоа, го врати Мориба во Б-тимот и му се закани дека нема да игра доколку не ги прифати условите кои му ги нуди клубот.

На крајот Мориба за 16.000.000 евра за ина во Лајпциг. Шест месеци подоцна тој е подготвен да замина од Германија, сака да биде во клуб каде што ќе игра, бидејќе во Лајпциг настапи на само шест натпревари.

Шпанските медиуми пишуваат дека тој деновиве ќе пристигне на „Местаља“.