Спорт
Чави: Се надевам дека Меси ќе се врати во Барселона

Претседателот на Барселона, Жоан Лапорта не крие дека една од неговите најголеми желби е враќањето на Лионел Меси на „Камп Ноу“. Тој во неколку наврати изјави дека има морален долг кон Аргентинецот и се надева дека Меси ќе се врати да ја заврши кариерата во Каталонија.
За враќањето на Лионел Меси проговори и неговиот поранешен соиграч, сега тренер на Барса, Чави Ернандез.
„Посакувам да не заврши времето на Меси во Барселона. Тој заслужува втора шанса. Би сакал да се врати. Апсолутно сум за тоа”, изјави Чави.
Меси не е најсреќен во ПСЖ, во дресот на „светците“ ја одигра една од најслабите сезони во кариерата, не беше ни блиску до освојување на Лигата на шампионите, поради што беше доведен во клубот.
Згора на тоа, легендарниот Аргентинец не е прва ѕвезда на тимот, таа улога ја презеде Килијан Мбапе, кој е обожуван во Франција, додека седумкратниот освојувач на „Златната топка“ беше исвиркуван од навивачите на „Паркот на принцовите“.
Меси има 35 години, има уште една сезона под договор со парижаните, по што не би имало никакви пречки да се врати во Барса на радост на навивачите и да биде дел од новиот проект на клубот кој сака повторно да биде најдобар во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Стоичков: Чувствувам вина што го не го заштитив Марадона од мршојадците

И покрај тоа што никогаш не заигра покрај него во Барселона, бугарската фудбалска легенда Христо Стоичков имаше одлични односи со Диего Марадонаа и вели дека се чувствува виновен што не го заштитил од „мршојадците“ пред неговата смрт во 2020 на само 60 години.
Стоичков во интервју за „ЕСПН“ објаснува дека имал постојан контакт со Аргентинецот до 2016 година, по што никако не можел да го добие ниту н телефон.
„Ги имав сите негови телефонски броеви, но последен пат зборував со него на 2 или 3 февруари 2016. На 8 февруари ми се јави да ми го честита роденденот, и оттогаш не можев да го добијам. Секогаш спиеше, одмараше, беше на прошетка. Мислам дека не ми дозволуваа да зборувам со него. Кога си затворен на едно место и не можеш да зборуваш, што можеш да направиш? Се чувствувам виновен што не го одвоив од мршојааддците. Што не инсистирав повеќе поради нашето пријателство. Го гледав како страда многу, нека почива во мир“, вели Стоичков.
Спорт
Осум месеци по „драмата“ со Ѓоковиќ, Австралија посака добредојде на невакциниран американски пливач

Американскиот пливач, Мајкл Ендру ќе се натпреварува за својата земја во „Дуелот во базенот“, пливачката атракција против Австралија во Сиднеј оваа недела, откако ова земја ги „опушти“ правилата за влез на невакцинирани луѓе, неполни осум месеци откако Новак Ѓоковиќ помина една недела во камп за нелегални имигранти и беше депортиран поради истата причина.
23-годишниот Ендру минатата година невакциниран пливаше на Олимпијадата во Токио, по што беше критикуван од медиумите во САД за неговиот став.
„Не сакам да ставам во моето тело нешто што потенцијално би ми пречело. Како спортист на елитно ниво, сите работи кои ги правиме се пресметни. Не сакав да ризикувам“, се правдаше тогаш Ендру.
Во јули, Австралија го отстрани барањето за вакцинирање против КОВИД за влез во земјата. Ѓоковиќ во јануари пристигна во Австралија со медицинско оправдување за невакцинираност, но беше сопрен на аеродромот во Мелбурн и пратен во имиграциски центар додека преку суд се обидуваше да ја добие правдата. Наа крајот, тој беше депортиран од земјата. 35-годишниот Ѓоковиќ оттогаш играше на Ролан Гарос и на Вимблдон (каде што победи), но уште не е сигурно дали ќе му биде дозволен влез во САД за настап на САД опен во Њујорк, исто така поради вакцината.
Спорт
Глејзери го ставаат Јунајтед на продажба – клубот проценет на 5 милијарди фунти!

Газдите на Манчестер јунајтед, семејството Глејзер, го смениле својот став околу потенцијалната продажба на клубот, и подготвени се да продадат дел од клубот или целосно да се „ослободат“ од „ѓаволите“, тврди „Блумберг“, посочувајќи дека веќе има три американски конзорциуми подготвени за дил. Тие поставиле цена од 5 милијарди фунти за славниот англиски клуб.
Навивачите на Јунајтед протестираа против газдите на клубот пред првиот домашен меч од новата сезона против Брајтон и планираат да го направат тоа и на дербито со Ливерпул, бесни на одлуките на Глејзери по преземањето на клубот во 2003 година. Според британскиот „Индепендент“, по сите критики, американските газди можеби го смениле своето мислење, и го посочуваат како главен кандидат за купување на клубот, најбогатиот Британец, Сер Џејмс Ретклиф, газдата на „ИНЕОС“ и голем навивач на „ѓаволите“.
Според „Индепендент“, преговорите меѓу милијардерите веќе почнале од мај и има чувство дека може да се направи „здека на столетието“. Ова се надоверзува на бурата коментари кои ги предизвика Илон Маск на Твитер со шегата дека би сакал да ги купи Јунајтед.
Британските медиуми тврдат дека Глејзери го смениле мислењето откако Челси беше продаден за астрономски 4 милијарди фунти. Да потсетиме, Глејзери платија за Јунајтед 800 милиони фунти пред речиси 20 години.