Спорт
Нови ужасни вести: Себастиен Але има малигнен тумор

Фудбалерот на Борусија Дортмунд, Себастиен Але има малигнен тумор, објави клубот во саботата. Лошата вест дојде неколку дена откако беше објавено дека тој е опериран од рак на тестисите.
Веднаш штом пристигна во својот нов клуб од Ајакс, му беше дијагностицирана загрижувачка дијагноза, која сега доби уште полоша нота.
28-годишниот фудбалер ќе биде надвор од терените најмалку неколку месеци.
Најверојатно, тој ќе мора да оди на хемотерапии кои траат со недели, а потоа неговото тело ќе мора да се бори со смртоносната болест.
За среќа, барем според луѓето од клубот, постои олеснителна околност.
„Себастиен сега ќе ја добие најдобрата можна грижа и шансите за опоравување се многу добри. Му посакуваме нему и на неговото семејство многу сила и оптимизам. Нашите мисли се со вас во овој тежок момент”, изјави Себастијан Кел, спортскиот директор на Борусија Дортмунд.
Haller kämpft gegen bösartigen Tumor
Sebastien #Haller wird dem #BVB mehrere Monate lang fehlen. Der histologische Befund ergab einen bösartigen Hodentumor. Wir wünschen Dir weiterhin viel Kraft, @HallerSeb! ????
Zur Meldung: https://t.co/8WAUXVVJ55 pic.twitter.com/dqSWhkCGZO
— Borussia Dortmund (@BVB) July 30, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимпик Марсеј му приреди победничко деби на Тудор

Олимпик Марсеј победнички го стартуваше новиот шампионат на Франција, со надеж дека може да му парира на ПСЖ. Фудбалерите му приредија победничко деби на тренерот Игор Тудор на „Велодром“ откако со 4:1 го совладаа Реимс.
Фаес си даде автогол на самиот старт на мечот, а Нуно Тавареш зголеми на 2:0 пред полувремето.
Во вториот дел, Луис Суарез беше стрелец на два гола, а почесниот погодок за гостите беше дело на Фоларин Балогун.
Спорт
Левандовски постигна првенец, Барса блескаше на „Гампер куп“

Барселона е подготвена за почетокот на новата сезона во Ла Лига и во Лигата на шампионите. Традиоционално, последниот тест е „Гампер куп“ на „Камп Ноу“, а вечерва каталонскиот гигант го совлада Унам Пумас со 6:0.
Полскиот голгетер Роберт Левандовски погоди во третата минута и го постигна првенецот, а Педри зголеми на 2:0 само две минути подоцна. До крајот на првиот дел погодија и Осман Дембеле и повторно Педри.
Во второто полувреме Обамејанг и Френки де Јонг дадоа глазура на убедливиот триумф.
Спорт
Мората го растури Јувентус, Алегри го сака назад во Торино

Атлетико Мадрид во пријателски натпревар го декласираше Јувентус со 4:0, а првите три гола ги постигна поранешниот, а можеби и иден играч на Јувентус, Алваро Мората.
Тој во десеттата минута првпат ја погоди мрежата на „старата дама“. На 2:0 зголеми во 43. минута, а хет-трикот го комплетираше во 62. минута.
Конечниот резултат го постави Куња во 92. минута.
Тренерот на Јувентус, Масимилијано Алегри, се обидува да го врати Мората во Торино, а тој го потсети за каков врвен напаѓач се работи. Сепак, Атлетико ќе се согласи на договор само доколку комплетно го продаде 29-годишниот шпански фудбалер.
Мората последните две сезони ги мина на позајмица во Јувентус, а особено беше успешен во последната. Атлетико бара околу 35 милиони евра за Мората.