Спорт
Чави се врати во Барселона, но вели дека е дојден само на одмор

И покрај тоа што каталонските медиуми веќе го промовираа во наследник на Роналд Куман, Чави Ернандез се врати во Барселона на одмор по крајот на сезоната со катарскиот Ал-Сад.
Шпекулациите ќе се интенвизираат бидејќи Чави, кој се врати во Барселона со своето семејство, последните две години не бил во својот град и покрај тоа што неодамна го продолжи договорот со катарскиот клуб до 2023 година.
„Не знам ништо. Дојдов тука на одмор“, беше единствената изјава на Чави при пристигнувањето на аеродромот.
Чави претходно изјави дека му се јавиле да го замени Кике Сетиен по катастрофата од 8:2 од Баерн Минхен минатата сезона, но тој ја одби таа понуда по што Роналд Куман беше поставен како решение.
Но, сега Барса има нов претседател во Жоан Лапорта, кој ќе мора да донесе многу одлуки за иднината на клубот – од тоа дали Лео Меси ќе остане до продажбата на вишокот фудбалери и, секако, најважната, дали ќе има нов тренер на клупата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мерцедес ги потврди Расел и Антонели за наредната сезона

Тимот на Мерцедес потврди дека Џорџ Расел и Андреа Кими Антонели ќе возат за тимот и следната сезона.
Потврдата за останувањето на двајцата возачи беше само прашање на време, а беше одложена поради продолжените преговори во врска со обврските на Расел надвор од патеката.
Британецот е производ на програмата на Мерцедес за млади возачи, а следната сезона ќе биде негова осма во Формула 1, петта во германскиот тим. Во тековниот дел од сезоната, Расел постигна резултати над очекувањата, бидејќи постигна исклучителни победи во Канада и Сингапур, а најмногу е заслужен за фактот дека Мерцедес моментално е втор во конкуренцијата на конструктори.
„Многу сум горд што ја продолжуваме нашата авантура заедно. Следната година ќе биде 10-та година откако потпишав за Мерцедес. Досега беше долго и успешно партнерство и едвај чекам да видам што нè очекува, особено затоа што се соочуваме со една од најголемите промени на правилата во историјата на спортот. Фокусирани сме на успех и, според мене, да продолжиме по најдобрата сезона во мојата кариера“, рече Расел.
It's official 😉
We are delighted to confirm that George Russell and Kimi Antonelli will continue as the team’s driver line-up into 2026
— Mercedes-AMG PETRONAS F1 Team (@MercedesAMGF1) October 15, 2025
Антонели го наследи Луис Хамилтон во тимот оваа година, а неговата дебитантска сезона досега беше полна со подеми и падови. Во одредени моменти му недостасуваше самодоверба, имаше проблем со сигурноста, но знаеше и како да блесне, па ги заврши последните две трки меѓу првите пет.
Во текот на летото, имаше одредена неизвесност дали Мерцедес ќе ги задржи сегашните возачи, бидејќи се шпекулираше дека Макс Ферстапен би можел да го напушти Ред Бул.
Следната сезона, патем, означува почеток на нова ера во Формула 1, а таа започнува со Големата награда на Австралија на 8 март.
Остануваат уште шест трки во сезоната, а првата следна е Големата награда на САД овој викенд во Остин.
Спорт
Де Јонг го продолжи договорот со Барселона

Холандскиот фудбалер Френки де Јонг потпиша нов договор со Барселона, кој ќе го задржи на „Ноу Камп“ до 2029 година, објави каталонскиот клуб.
„Френки де Јонг ја продолжи соработката со фудбалскиот клуб Барселона до 2029 година. Холанѓанецот потпиша нов договор во среда во седиштето на клубот, во присуство на претседателот Џоан Лапорта, потпретседателот Рафаел Јусте, членот на одборот Џоан Солер, спортскиот директор Андерсон Луис де Соуза Деко, координаторот Бојан Кркиќ и други членови на спортската комисија“, се наведува во официјалното соопштение.
Како што објавија шпанските медиуми, новиот договор предвидува зголемена откупна клаузула, која сега изнесува 500.000.000 евра.
Де Јонг пристигна во Барселона од Ајакс во 2019 година.
За време на престојот во Барселона, тој ја освои титулата шампион на Шпанија, Купот на Кралот и Суперкупот.
Спорт
Чесите му врачија отказ на Иван Хашек

Иван Хашек (62) повеќе не е селектор на чешката фудбалска репрезентација, одлучи Чешката фудбалска асоцијација по неочекуваниот пораз од Фарските Острови во квалификациите за Светското првенство.
Хашек го презеде водството на чешката репрезентација во јануари 2024 година и во 21 натпревар оствари 11 победи, пет нерешени и пет порази. Неговиот наследник сè уште не е именуван.
Во неделата, Фарските Острови изненадувачки ја победија Чешка со 2:1, која три дена претходно во Прага одигра нерешено 0:0 со Хрватска.
Поранешната чешка фудбалска ѕвезда Павел Недвед го нарече настапот на Чесите против Фарските Острови „неприфатлив“, а медиумите го оценија како „срамен“ и истакнаа дека „изгубиле од рибари и столари“, алудирајќи на полупрофесионалниот статус на фарските фудбалери.
Бидејќи Чесите се втори во групата Л, со три бода помалку од водечката Хрватска, која има 16 бода и натпревар помалку, директен пласман на Светското првенство во 2026 е невозможен. За да ја престигнат Хрватска, на Чесите им е потребна исклучително убедлива победа против Гибралтар, како и порази од екипата на Златко Далиќ од Фарските Острови и Црна Гора.
За Чешка, победа против претпоследниот Гибралтар на 17 ноември би можела да обезбеди место во дополнителните квалификации. Три дена пред таа средба, тие играат пријателски натпревар против Сан Марино.