Спорт
Чави во клинч со новинарка: Вакви прашања не им поставувате на другите тренери
Барселона во четвртокот го победи Лас Палмас со пенал во третата минута од судиското надополнување. Чави беше нервозен на прес-конференцијата, фрустрациите ги истури врз новинарката Хелена Кондис.
„Што ќе се случеше ако не го постигневте тој гол во последните моменти од натпреварот?“, праша новинарката, алудирајќи на тоа дека на Чави можеби му се „тресе клупата“.
„Да заостаневме десет поени, ситуацијата сигурно ќе беше потешка“, започна тренерот на Барселона и тргна во контранапад:
„Но, вие секогаш одите со тие негативни претпоставки, тоа е смешно. Тоа не им го правите на другите тренери“, горко се насмеа Чави.
Новинарката не беше ништо помалку цинична кога го постави второто прашање:
„Мислите дека сме песимисти?
„Не, но ако победиме… Па зошто претпоставувате дека нешто ќе се случи ако не го направиме тоа? Тоа што го прашуваш не се случи. Готово е, не може да се случи. Ако прашавте пред натпреварот, тогаш можеме да разговараме. Но, тоа не се случи. Па, зошто зборуваме за тоа? Се чини апсурдно, зар не? Тоа е апсолутно апсурдно “, рече Чави и додаде:
„Џирона победи во последната секунда. Таков е денешниот фудбал. Не сме единствените кои победуваат тешко. Освен тоа, имаме многу аргументи, а главната е дека сме актуелни шампиони. Почитувајте ги шампионите, уште сме живи“, заклучи Чави.
Барселона заостанува седум бода зад лидерот Реал и второпласираната Џирона.
Xavi Padreando a Helena Condis.
Video completo 👇🏼pic.twitter.com/qnLGtkapvZ— Xavismo (@xavismoreal) January 5, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.