Спорт
„Чеканите“ ги исфрлија Јунајтед од Лига купот, Челси и Тотенхем се спасија по пенал-серија

Дејвид Мојс и Вест хем имаа слатка „одмазда“ за домашниот пораз во Премиер лигата од Манчестер јунајтед во саботата, елиминирајќи ги „ѓаволите“ во 1/16 финалето на Англискиот лига куп сред „Олд Трафорд“ со 1:0 победа.
Мануел Ланзини го постигна единствениот гол на мечот за победа на „чеканите“ против комбинираниот тим на Оле Гунар Солскјер.
Фаворитите Челси и Тотенхем, пак, успеаја да влезат во осмиафиналето по пенал-победи. На „Стемфорд бриџ“, Тимо Вернер им донесе предност на домаќините во 54. минута, пред Камерон Арчер да израмни за Астон вила. Во пенал-серијата, Вила утнаа два пенали. Тотенхем пак, имаше 2:0 водство кај Вулверхемптон, пред регуларните 90 минути да завршат 2:2, а во пенал серијата „волците“ утнаа дури три пенали.
Арсенал, немаа проблеми како фаворитите, победувајќи го Вимблдон со 3:0, додека и Брајтон стигна до лесна победа од 2:0 против Свонси.
ЕФЛ ЛИГА КУП, 1/16 ФИНАЛЕ
Арсенал – Вимблдон 3:0
Челси – Астон вила 1:1, 4:3 пен.
Манчестер јунајтед – Вест хем 0:1
Вулверхемптон – Тотенхем 2:2, 2:3 пен.
Брајтон – Свонси 2:0
Милвол – Лестер 0:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Резервите му донесоа триумф на Арсенал во Билбао, дебитантот Унион го шокира ПСВ

Со гостински победи на Арсенал и дебитантот Унион Сен Жилоа, започна сезоната 2025/2026 во Лигата на шампионите.
Арсенал на „Сан Мамес“ во Билбао, не прикажа некоја спектакуларна игра, но успеа да го победи Атлетик.
Два гола постигнаа играчите од клупата за резерви. Мартинели по нецели 15 секунди откако влезе во игра во 72.минута погоди за 0:1. Конечниот резултат го постави Тросар во 87.минута. Резервите на Артета си поделија по една асистенција.
На „Филипс“ стадионот во Ајндховен, ПСВ доживеа шокантен пораз од Унион Сен Жилоа. Дека Белгијците се дојдени по победа во Ајндховен најави Дејвид во деветтата минута од пенал. Половина час подоцна слаломот на Ел Хаџ им донесе на гостите предност од два гола.
Точка на победата на гостите стави братот на фудбалерот на Ливерпул, Алексис Мекалистер, Кевин.
Честа на ПСВ ја спаси, Ван Бомел во 90.минута.
Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.