Спорт
Челси го потврдија Касадеи, вкупно потрошија 191 милиони фунти под новите газди!
Челси го потврдија својот шест трансфер ова лето под водство на новите американски газди, откако 19-годишниот Чезаре Касадеи пристигна од Интер за 12.6 милиони фунти, со што сумата потрошена на засилувања достигна фантастични 191.3 милиони фунти.
Тинејџерот Касадеи е еден од највисокоценетите млади италијански фудбалери и за него преговорите траеја цело лето, откако „нераѕурите“ одбија една понуда, но сепак, не се очекува тој на почеток да биде дел од првиот тим на Томас Тухел и најверојатно ќе игра за У-21 тимот.
Иако дел од навивачите на Челси беа разочарани што некои веќе „договорени“ фудбалери им избегаа, како Рафиња, кој се реши за Барселона, сепак, можат да бидат мирни дека и под новите газди, предводени од Тод Бели ќе се продолжи со трошењето на слично ниво како тоа со претходниот газда, Роман Абрамович.
ЛЕТНИОТ ШОПИНГ НА „АМЕРИКАНСКИОТ“ ЧЕЛСИ
Марк Кукуреља (Брајтон, 62 милиони фунти)
Рахим Стерлинг (Манчестер сити, 50 милиони фунти)
Калиду Кулибали (Наполи, 34 милиони фунти)
Карни Чуквуемека (Астон вила, 20 милиони фунти)
Габриел Слонина (Чикаго фајр, 12.7 милиони фунти)
Чезаре Касадеи (Интер, 12.6 милиони фунти)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.